సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 23

🌹 సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 23 🌹
23 వ భాగము

✍️ రచన : పేర్నేటి గంగాధరరావు
📚. ప్రసాద్ భరద్వాజ

🍃 మనస్సు దాని వికారములు - 2 🍃

130. కర్మ యను వృక్షమునకు మనస్సే బీజము. శ్వాసను నిలిపిన తలంపులు పుట్టవు. విషయములు, తలంపులు, సంకల్పములు, దృశ్యములు, శబ్దములు, భోగములు ఇవన్నీయూ ప్రారంభమున ఆనందముగా సుందరముగా తోచినను చివరకు భయంకరమైన తామరవలె దుఃఖమును కలుగుజేయును.

131. దుష్ట సంకల్పములచే మనస్సు అల్పత్వమును పొందినది. ఈ సంకల్పములు మనిషికి మనిషికి మధ్య భిన్నముగా నుండును.

132. చిత్తము నుండి మనస్సు ఏర్పడుతుంది. ''నేను''కు మనస్సుకు సూక్ష్మ భేదము ఉన్నది. మనస్సు ఇంద్రియములు, బుద్ధి, పంచప్రాణములు, శరీరము ఇవన్నీ సూక్ష్మ భూతముల వల్ల ఏర్పడినవి. ఇవి జడము.

133. శరీరము ఒక రథము గాను. మనస్సు పగ్గాలు, బుద్ధి సారధి, ఇంద్రియాలు అశ్వాలు, విషయాలు మార్గాలు, ఆత్మ రధికుడుగా సూక్ష్మ భూతముల కలయిక వల్ల ఏర్పడినవి. ఇందులో ఆత్మ ఒక్కటే చైతన్యము మిగిలినవి ఆత్మ వలన చైతన్యవంతమైనవి.

134. మనస్సును శుద్ధ, అశుద్ధ అను రెండు విధములుగా వర్ణించవచ్చు. శుద్ధ మనస్సుకు ఆశలుండవు, దేని యందు ఇచ్ఛవుండదు, కోర్కెలు లేనిది, ఆత్మ యందు ఐక్యమై ఉండును. అశుద్ధ మనస్సు బంధములు, ఆశలు, కోరికలు కల్గి ఉండును. శుద్ధ మనస్సుతో అశుద్ధ మనస్సును శుద్ధి చేయవచ్చును దానినే సాధన అందురు.

135. ఏ ఇతర ఆలోచనలు లేని మనస్సును అనన్య మనస్సందురు. పరమాత్మను అనన్య మనస్సుతోనే ప్రార్థించవలెను.

136. పురుష ప్రయత్నము, నిరంతర సాధన, భక్తి శ్రద్ధలు కల్గి, గురువు బోధతో సూక్ష్మ విషయములు గ్రహించి, అనన్య చిత్తముతో పరమాత్మను సేవించవలెను.

137. నీరు కలపని పాలవలె స్వచ్ఛమై మనస్సుతో సర్వకాల సర్వావస్థలయందు పరమాత్మ స్మరణతో వున్న, అట్టి వారిని అనన్య మనస్కులందురు.

138. మనస్సు యొక్క గుణములు, లక్షణములు, వేగము, విహారము, చంచలత్వము, లోకవ్యవహారములందు ఆసక్తి, అబద్ధము, ఈర్ష్య, కోపము, అజ్ఞానము, విచక్షణా జ్ఞానము లేకపోవుట, భ్రాంతి, చింతన, ఆలోచన, భోగప్రాప్తి, వార్థక్య, మరణముల భ్రాంతి కలిగినది. దుర్వాసనలతో కూడి, సంసార సాగరమను వృక్షమునకు మూలకారణము మనస్సు. జనన మరణముల హేతువైనది మనస్సు. మనస్సు ఎప్పుడు విషయాలను ద్వంద్వాలుగా విభజించి చూస్తుంది. మనస్సు పూర్వ జ్ఞాన జ్ఞాపకాలమీద ఆధారపడి ఉంటుంది. తెలిసినదాని నుండి తెలిసిన దానికి కదులుతూ ఉంటుంది. తెలియని ఆత్మాను భవమును గుర్తించదు. అందువలన యోగము అవసరము.

139. మనస్సు సత్వ,రజో, తమో గుణములు కలిగి ఉన్నది. తమస్సు వలన అజ్ఞానము, రజోగుణము వలన కోరికలు క్రోధము. సత్వ గుణము వలన పవిత్రత ప్రశాంతత కలిగి యుండును. మనస్సు లేని యెడల మనలో మిగిలి వున్నది ఆత్మయె. ఆత్మయే సర్వకాల సర్వావస్థలలో నిత్యమై ఉన్నది. కాలావస్థలు లేనప్పుడు కూడా ఉన్నది ఆత్మయె.
🌹 🌹 🌹 🌹 🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 22

🌹 సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 22 🌹 
22 వ భాగము

✍️ రచన : పేర్నేటి గంగాధరరావు
📚. ప్రసాద్ భరద్వాజ

🍃 మనస్సు దాని వికారములు - 1 🍃 

121. మనస్సు అనేది అతి సూక్ష్మమైన స్థితి. ఇది యోగ సాధకుని మాయలో పడవేయు శత్రువు. అంతేగాక దీని ద్వారానే యోగి తన యోగ సాధన కొనసాగించి, దీనిని స్వాధీనపర్చుకొని యోగసాధన చేయును. శ్వాసకు, మనస్సుకు అవినాభావ సంబంధమున్నది. మనస్సును అదుపు చేయగల్గింది శ్వాస మాత్రమే. అందుకే శ్వాసపై ధ్యాస ఉంచాలి. అప్పుడే ఏకాగ్రత కుదరగలదు. చంచలత్వంతో కూడిన మనస్సుకు ఏకాగ్రత అవసరము.

122. మనస్సు కోతి లాంటిది. కోతి ఒక కొమ్మను వదలి మరొక కొమ్మను ఎలా పట్టుకొనునో అలాగే మనస్సు విషయము నుండి విషయమునకు తెంపు లేకుండా పోవుచున్నది. కనుక అది చెప్పినట్లు నడుచుకొనరాదు. మనస్సు నశింపకున్నచో సంకల్పములు, ఇంద్రియములు పనిచేయుచుండును. అనేక జన్మల సంస్కారములు మనస్సుకు ఆహారమగును. అట్టి మనస్సు యొక్క పుట్టుక, స్వభావము దాని ప్రభావము, దానిని అరికట్టుటకు ఉపాయములు సాధకుని కొరకు రూపొందింపబడినవి. అదియె అమనస్క యోగము.

123. మనస్సు అనునది కేవలం కల్పన మాత్రమే. దీనికి సంకల్పము, వికల్పము, ఆలోచన, ఊహ, అనుభవములు, కాలనియమము అను వికారములు కలవు. మనస్సు పనిచేయుట జీవితము. మనస్సు పనిచేయకుండా ఆగిపోవుటయె ముక్తి.

124. ఇంద్రియములలో మనస్సు పంచేద్రియములకు ఒక రాజు వంటిది. ఐదు ఇంద్రియాలను మనస్సు నడిపించును. మనస్సు, ఐదు ఇంద్రియములు కలసి మనోమయ కోశమందురు. తలంపులు, సంకల్పములు,ఎచ్చట పుట్టునో అచ్చటనే మనస్సు కలదు. శ్వాస లేనిచో మనస్సు లేదు. మనస్సు నశించిన శ్వాస నిలచిపోవును.

125. మనస్సు యొక్క రహస్యార్థ మేమనగా! శరీరం పని చేయాలంటే శక్తి కావాలి. శక్తి కావాలంటే ఆహారం కావాలి. ఆహారం జీర్ణం కావాలంటే ఆక్సిజన్‌ అవసరము. ఆక్సిజన్‌ ఆహారపు అణువులను దగ్ధం చేసి శక్తి పుట్టించును. శక్తి లేనిచో మనస్సు పనిచేయదు కావున మనస్సు లేనప్పుడు శక్తి యొక్క అవసరము లేదు. ఆహారము అవసరం లేదు. అప్పుడు మనస్సు దీర్ఘ సుషిప్తిలోకి చేరును. అట్టి సుషిప్తి స్థితియే యోగ నిద్ర, లేక పరమాత్మ స్థితి. నిర్విషయ నిర్వికార పరబ్రహ్మ స్థితి. అదియె బ్రహ్మానంద స్థితి. ముక్త స్థితి.

126. మనస్సనునది 24 తత్త్వముల సముదాయము యొక్క సంస్కారముల నిధి. అంతఃకరణము యొక్క ప్రథమ పరిణామము మనస్సు. అనేక జన్మల పరంపరలకు మనస్సు ప్రధాన కారణము. శ్వాసతో పాటు మనస్సు పుట్టుచున్నది. కావును శ్వాస, మనస్సు ఒక్కటే.

127. మనస్సు అతి సూక్ష్మాంశము. మానసిక శక్తి అనేక సూక్ష్మాంశములతో కూడి ఉన్నది. మనస్సు వెనుక అహంకారమున్నది. మనస్సు యొక్క శక్తి బుద్ధి అయి ఉన్నది. ఆహారము యొక్క సూక్ష్మాంశము మనస్సు. జలము యొక్క సూక్ష్మాంశము ప్రాణము. సత్వగుణము వలన జ్ఞానము అబ్బును గనుక సాత్వికాహారము అవసరము. మాంసాహారము తామసికము, గనుక అభ్యాసకులు విడిచిపెట్టవలెను.

128. మనిషి జన్మించుటకు బీజము మనస్సే. తలంపులు పుట్టుచోటు నాభి. నాభి బ్రహ్మ యొక్క స్థానము. శ్వాస నాభి నుండి పుట్టు చున్నది. బ్రహ్మ దేవుడు శ్రీమన్నారాయుణుని యొక్క నాభి యందు జన్మించాడు. విష్ణుదేవునికి తలంపు కలగగానే తన నాభి నుండి బ్రహ్మ జన్మించాడు.

129. అగ్ని, జ్వాల ఎలా కలిసి ఉన్నాయో అలానే తలంపులు, మనస్సు కలసి ఉన్నాయి. వీటిని విడదీయుటకు వీలులేదు. మానవుని యొక్క అన్ని ఆశలు, కోర్కెలు, సంతోషాలు ఈ మనస్సులోనే కేంద్రికృతమై ఉన్నాయి.
🌹 🌹 🌹 🌹 🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 21

🌹 సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 21 🌹
21 వ భాగము

✍️ రచన : పేర్నేటి గంగాధరరావు
📚. Prasad Bharadwaj

🍃 సాధనా చతుష్టయము - 3 🍃 

110. యోగసాధన వలన నాభియందు యోగాగ్ని జనించి వారివారి సుకృత, దుష్కృత కర్మలు, నశించి చివరకు సాధకులు బ్రహ్మైక్యము పొందుదురు.

111. సాధన ప్రారంభించి పూర్తికాకపోయినను తగిన ఫలము లభించును. మిగిలిన సాధనను మరుజన్మలో కొనసాగించి సిద్ధింప చేసుకొనవచ్చు.

112. ఆత్మ సాధన ద్వారా, వివిధ అనుభూతుల ద్వారా, ఆనంద పారవశ్యమును పొంది తుదకు పరమశాంతిని పొందును.

113. యోగసాధన వలన అనారోగ్యము నశించి సమస్త రోగములు దోషములు తొలగిపోవును. 

114. ప్రతిగృహము ఒక యోగాశ్రమముగా మార్చుకొని సర్వులకు మార్గదర్శకముగా మార్చుకొనవచ్చును.

115. కుల, మత, జాతి, భేదము లేకుండా సర్వులకు ఆమోదయోగ్యమై, వ్యక్తి ఆటంకాలకు వీలు లేకుండా ఉండుట యోగము యొక్క ప్రత్యేకత.

116. భారతీయ యోగ ప్రాశస్త్యము, యోగ గ్రంథములు విదేశాలలో ప్రచారమై, యోగశక్తికి వారు ఆకర్షితులగుచున్నారు.

117. యోగము కల్ప వృక్షము, కామధేనువు, చింతామణి వంటిది అగుటయేగాక మోక్ష సిద్ధిని ప్రసాదించును.

118. యోగాగ్ని శరీరముగా గల వానికి వార్ధక్యముగాని, మరణముగాని తన అధీనములోనుండి సదా ఆరోగ్యవంతునిగా ఉంచును.

119. యోగాభ్యాసి శరీరము తేలికగా ఉండును. కంఠధ్వని స్పష్ఠముగా, మృదువుగా ఉండుటయేగాక శరీరము సుగంధమును వ్యాపింపజేయును. తేజోవంతముగా శరీరము ఉండును. ఎట్టి ప్రదేశములందైనను, శ్మశానమునందైనను, యోగి ఆనందమగ్నుడై యుండును.

120. ఇట్టి యోగమును సర్వ మానవాళి సద్వినియోగపర్చుకొని, పఠనము, శ్రవణము,అనుష్ఠానము ద్వారా దుఖఃములు, రోగములు తొలగించుకొని సుఖప్రాప్తి పొందుదురుగాక.
🌹 🌹 🌹 🌹 🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 20

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 20 🌹

✍️. రచన : సద్గురు పేర్నేటి గంగాధర రావు
📚. ప్రసాద్ భరద్వాజ

🍃. సాధనా చతుష్టయము - 2 🍃

103. ప్రాణవాయువును బ్రహ్మరంద్రమున నిల్పుటయే యోగధారణ. మనస్సును ఆత్మ స్థానమైన హృదయమున నిల్పి ఏకాగ్రతతో ధ్యానం చేయుటయే యోగధారణ. ఇందుకు ఈశ్వరానుగ్రహము లభించవలెను.

104. యోగులలో డంబాచారులు, ముముక్షువులను రెండు రకములు ఉందురు. డంబాచారులు వస్తువులపై, విషయముపై, ఆసక్తి కలిగి యుందురు. ముముక్షువులు ఇట్టి ప్రయత్నములు విడనాడి ఎల్లప్పుడు ఆత్మ చింతనలో ఉందురు. డాంబిక యోగులు కొందరు, వేషధారులు కొందరు, ఉపన్యాసకులు, తమగొప్పలు చెప్పుకొనేవారు; వీరు రుద్రాక్షలు ధరించి గంజాయి త్రాగుచు, కాషాయాంబరములు ధరించి యుందురు.

105. నిరంతర సాధన వలన యోగులకు యోగశక్తి లభించును. ఆ శక్తితో ప్రాణవాయువును భ్రూమధ్యమందు నిల్పి మనస్సుతో పరమాత్మను ధ్యానించవలెను.

106. యోగము యొక్క పరాకాష్ఠ యోగసిద్ధి పొందుటయే. సిద్ధిపొందిన వారు ఇక సాధన చెయవల్సిన అవసరము లేదు. వీరు జీవన్ముక్తులు. లోక కళ్యాణం కొరకు కార్యములు చేయుచుందురు. వీరికి పునర్జన్మలుండవు.

107. ఆధ్యాత్మికం అనగా భౌతిక విషయములలో మనస్సు, ఇంద్రియములు, బుద్ధి, జీవుడు, పరమాత్మ, అనువిషయములను గూర్చి విశ్లేషించి, సాక్షియగుట. దీనినే ప్రత్యగాత్మ అందురు. ఇదే జీవుని యొక్క వాస్తవ రూపము. భోగములు, వాసనలు నశించేవే. అనగా క్షరములు. శాశ్వతము, శ్రేష్ఠము, నిర్మలము, నాశరహితమైన ఆత్మయే అక్షరము. అనగా నాశనము లేనిది.

108. యోగవిశిష్ఠతను గూర్చి పురాణ ఇతిహాసములు, ఉపనిషత్తులు, గీత, శ్రీయోగవాసిష్ఠము, పతంజలి యోగము, వ్యాసుని జ్ఞాన సిద్ధాంతములు, నారద భక్తి సూత్రములు, స్మృతులు, శ్రుతులు, మార్కండేయ, విష్ణుపురాణములు, భారత, రామాయణ, భాగవతములందు వివరింపబడినది.

109. యోగవిశిష్ఠత: ఇది పురుషార్థమగు మోక్షమును పొందుటకు మార్గము. బుద్ధి నిర్మలమగుటకు యోగాభ్యాసము అవసరము. ఇది శాశ్వతమైన జ్ఞాన భాండాగారము. సృష్టి ఆరంభమునుండి గంగా ప్రవాహము వలె నిరంతరము ప్రవహించుచున్నది. యోగజ్ఞానము జ్ఞానములన్నింటికి శ్రేష్ఠమైనవి. యోగి మానవులందరిలో గొప్పవాడు. సాధనలన్నింటిలో యోగసాధన గొప్పది. ఇది సాక్షాత్‌ భగవంతునిచే ప్రత్యక్షముగా ప్రకటింపబడినది. ఇది మోక్షప్రదాయిని. నొసటి వ్రాతను జాతకమును చెరిపివేయునది యోగము.

యోగము కుల, మత, జాతి, కాలము, దేశము మొదలగు వాటికి అతీతమై సర్వజనామోదమైనది. సాధన, నిష్ఠ, అనుష్ఠానము, సమన్వయ దృష్టి, ఆహార నియమములు, క్రమ శిక్షణ, సర్వులకు ఆచరణ యోగ్యము.
🌹 🌹 🌹 🌹 🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 19

 

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 19 🌹

✍️. రచన : సద్గురు పేర్నేటి గంగాధర రావు
📚. ప్రసాద్ భరద్వాజ 

🍃. సాధనా చతుష్టయము - 1 🍃 

94. యోగ విద్య యందు సాధకునికి నాలుగు రకములైన సాధన సంపత్తులు అవసరము.

1. నిత్యానిత్య వస్తు వివేకము.
2. ఇహాముత్రార్థ ఫలభోగ విరాగము.
3. శమ దమాది షట్‌ సంపత్తి.
4. ముముక్షత్వము

95. నిత్యానిత్య వస్తు వివేకమనగా ప్రపంచమంతయు మాయయని, నశ్వరమని, ఆత్మ ఒక్కటె నిత్యమని, నాశరహితమని భావించుట.

96. ఇహా ముత్రార్థ ఫల భోగ విరాగము అనగా ఇహలోక, స్వర్గలోక సుఖములందు వైరాగ్యము.

97. శమము, దమము, ఉపరతి, తితీక్ష, శ్రద్ధ, భక్తి అను ఆరింటిని షట్‌ సంపత్తి అంటారు.

1. శమమనగా: అంతరింద్రియ నిగ్రహము, నిశ్చల సమాధి.
2. దమమనగా: బాహ్యేంద్రియ నిగ్రహము, విరక్తి వైరాగ్యములు.
3. ఉపరతి అనగా అరిషడ్వర్గములను జయించుట, విషయాసక్తి వీడుట.
4. తితీక్ష అనగా సుఖఃదుఃఖములను ఓర్చుకొనుట, విషయ సమత్వము.
5. శ్రద్ధ అనగా గురువు యందు వేదాంత వాక్యములందు నమ్మకము కలిగి శ్రవణము, విచారణ చేయుట.
6. భక్తి అనగా గురువులను పూజించుట. శుశ్రూష చేయుట.

98. ముముక్షత్వము అనగా మోక్షము పొందుట యందు అభిలాష కలిగి అందుకు తగిన సాధన, యోగాభ్యాసము చేయుట, గురువులను ఆశ్రయించుట, శ్రవణాదులు చేయుట.

99. దివ్య దృష్టి గురువు ద్వారానూ, భగవంతుని అనుగ్రహము ద్వారాను పొందవచ్చు. అభ్యాసంతో దివ్యదృష్టిని అనగా జ్ఞాన నేత్రములను(మూడవ కన్ను) పొందవచ్చు. దీని వలన ఆత్మానుభూతి పొందవచ్చు. వ్యాసుడు సంజయునకు, శ్రీకృష్ణుడు అర్జునునకు, బ్రహ్మంగారు సిద్థయ్యకు దివ్య దృష్టిని ప్రసాదించిరి.

జ్ఞానంతో పాటు దివ్య దృష్టి ఉన్నప్పుడు సుదూర ప్రాంతపు దృశ్యములను కూడా దర్శించవచ్చు. బ్రహ్మాండములోని దృశ్యములలో, భవిష్యత్తు సంఘటనలు దివ్య దృష్టి ద్వారా తెలుసుకోవచ్చు. ఈ శక్తిని నిరంతర యోగ సాధన ద్వారా పొందవచ్చు. జనుల మనస్సులోని విషయములు గ్రహించవచ్చు. ఉత్తమమైన అనన్య యోగులు ఈ శక్తిని పొందగలరు. కాని ఇవన్నీ మోక్షమునకు ప్రతిబంధకము.

100. యోగసిద్ధి: ప్రాపంచిక విషయములందు ఆసక్తి లేక శాశ్వతమైన పరబ్రహ్మరూపములోనే లయించి యుండును. అట్టి వారే యోగసిద్ధిని పొందినట్లు.

అందుకు కోరికలు త్యజించవలెను. మనస్సును నిగ్రహించవలెను. ఆత్మ స్థితి యందు సర్వమును లయించవలెను. అట్టి యోగికి పునర్జన్మలేదు. సంకల్పరహితుడు మనస్సును ఆత్మ యందు లయించి యుండును. శాంతిని పొందును. సమదృష్టి కల్గి సర్వ జీవరాశులు పరబ్రహ్మ స్వరూపమే అని జీవాత్మ పరమాత్మ ఒక్కటేనని గ్రహించును.

101. యోగము సిద్ధించాలంటే దృఢ సంకల్పము, సాధన, వైరాగ్యము, సాధనాఫలితముల కొరకు చూడకుండా సాధన నిరంతరము కొనసాగించుట. భౌతిక తాపత్రయములు వదలివేయుట. సుఖ దుఃఖములకు అతీతుడై ఉండుట. ఇంద్రియ నిగ్రహము, వాసనాక్షయము, భోగరాహిత్యము కలిగి ఉండుట. అట్టి వారే యోగసిద్ధిని పొందగలరు. వారినే యోగారూఢులందురు.

102. ఉత్తమ యోగి అయినవాడు నిరంతరము భగవంతుని యందు ఆత్మను లయింపజేయుట, శ్రద్ధ, దైవచింతన కల్గి ఉండును.
🌹 🌹 🌹 🌹 🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 18

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 18 🌹
✍️. రచన : సద్గురు పేర్నేటి గంగాధర రావు
📚. ప్రసాద్ భరద్వాజ

🍃 యోగము, గృహస్థాశ్రమము 🍃

91. సాధారణముగా ఆశ్రమములలో నాలుగు రకములు ఉన్నవి.

1. గృహస్థాశ్రమము
2. బ్రహ్మచర్యము
3. వానప్రస్థము
4. సన్యాసాశ్రమము. యోగసాధన ద్వారా మోక్షము పొందాలంటే ఏ ఆశ్రమము పాటించవలెనన్నది ప్రశ్నార్థకము.

92. ఏ ఆశ్రమము వారైనను యోగ ధ్యేయమును సాధనా సిద్థాంతములను శాస్త్ర ప్రమాణముగా అభ్యాసం చేయుచు ఏ ఆశ్రమమైనను పాటించవచ్చును. కానీ అన్నింటిలో గృహస్ధాశ్రమము శ్రేష్ఠమైనదని పెద్దలు చెప్పుదురు. అందుకు కారణము మిగిలిన మూడు ఆశ్రమముల వారు వారి కనీస అవసరములకై గృహస్థులమీదే ఆధారపడవలసి యుందును.

93. గృహస్థుని ధర్మములు: దొంగతనము చేయకుండుట, ధైర్యము, సుచిత్వము, ఇంద్రియ నిగ్రహము, వేదాంత విచారణ, సత్యము, క్రోధము లేకుండుట, బుద్ధిమంతుడై ఉండుట అతిధిని గౌరవించుట, లోకజ్ఞానము ముఖ్యమైనవి. అప్పుడే అతడు యోగాభ్యాసానికి యోగ్యుడు.
🌹 🌹 🌹 🌹 🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 17

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 17 🌹
✍️. రచన : సద్గురు పేర్నేటి గంగాధర రావు
📚. ప్రసాద్ భరద్వాజ

🍃. యోగము, అనుష్ఠానము 🍃

85. యోగము ఒక గ్రంథము కాదు. ఇది అనుష్ఠాన ప్రధానమైనది. అనుభవ పూర్వకమైనది. పాండిత్యమునకు, గ్రంథస్థమునకు, ఉపన్యాసములకు అతీతమైనది. అందుకు క్రమశిక్షణ, గురుశుశ్రూష, సాధుసాంగత్యము అవసరము.

86. ఆత్మ అనాత్మల భేదములను మొదట గ్రహించవలెను. సిద్ధాంతములపై పోరాడువారికి ఆధ్యాత్మ రహస్యములు ఎప్పటికీ అందుబాటులోకి రావు. సాధన లేనిదే ఆత్మ ప్రాప్తిని పొందలేడు.

87. నిరంతరం సూత్రప్రాయంగా పురుష ప్రయత్నంతో యోగము అభ్యాసము చేసిన సిద్ధి లభించగలదు.

88. గురువులు వేదాంతమును తక్కువగా చెప్పి సాధన, యోగ ప్రక్రియలను గూర్చి ఎక్కువగా బోధించవలెను. లక్ష్యమును అతి స్వల్పముగా చెప్పి సాధనను నొక్కి చెప్పాలి.

89. యోగము ఆచరణాత్మక దివ్య సాధనలను ఎల్లరు గుర్తించి ఆచరించి తరించవలెను. ఇది వాచావేదాంతము కారాదు. అనుష్ఠాన వేదాంతము. ఆచరణ వలనె యోగ ఫలితము శరీరములో పనిచేయుటను గ్రహించవలెను.

90. యోగపరిపూర్ణత, ఆత్మ పరిపూర్ణత పొందిన తరువాతే మోక్షము. పైపైన ఎన్ని పూజలు చేసినను, స్తోత్రములు వల్లించినను, నామ జపములు చేసినను, మూలాక్షరముల సహస్రనామోచ్చరణ చేసినను, ధ్యానము లాచరించినను, పుణ్య క్షేత్రములు దర్శించినను, ఎన్ని పవిత్ర నదీ స్నానములు చేసినను మోక్షము చేకూరదు. ప్రతి మానవుడు ఆచరణలో పెట్టి అనుభవములతో ఫలితములు చూచుకొనవలెను.
🌹 🌹 🌹 🌹 🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 16

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 16 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ 

🍃. అనన్యయోగము 🍃

80. దృఢమైన యోగ సాధనను అనన్య యోగము అందురు. ఒక వ్రతము మాదిరిగా నిత్యము నిరంతరం ఆటంకము లేకుండా పురుష ప్రయత్నంతో చేయు సాధననే అనన్య యోగం అంటారు.

81. అనేకమైన అంతులేని ఆపదలు, అష్టకష్టములు, విఘ్నములు ఏర్పడినను యోగులు తమ సాధన యందు ఏ మాత్రము చలించక నిరంతర అభ్యాసము చేయుచుందురు. దానినే అనన్యయోగమందురు.

82. కర్మ, జ్ఞాన, భక్తి, ధ్యాన యోగములలో అనన్య యోగమును ఏదో ఒక దాని యందు జోడించిన, ఆ యోగమునకు అనంత శక్తి చేకూరి త్వరిత ఫలితము లభించును. అనన్య యోగము ఒక ప్రత్యేకమైన యోగపద్ధతి కాదు.

83. ఏదో కొంత కాలము కొన్ని రోజుల సాధన కాకుండా నిరంతరము ఆత్మ యందు చిత్తమును, మనస్సును లగ్నం చేయుట వలన క్రమముగా అనన్య యోగము సిద్ధించును.

84. ఇతర ప్రాపంచిక పదార్థములపై ఆసక్తి చూపక నిరంతరము పరమాత్మ యందే ధ్యాస కలిగి సాధన చేయుటయె అనన్య యోగము.

🌹 🌹 🌹 🌹 🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 15

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 15 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ 

🍃. తపస్సు 🍃

78. తపస్సు మనస్సుకు సంబంధించినది. మనస్సుతో చేయు సాధనయె తపస్సు దీని లక్షణములు:

1. మనస్సును ధ్యాన విషయమునందు లగ్నం చేయుట.

2. మనస్సు శుద్ధి కలిగి నిశ్చలంగా ఉండుట.

3. శారీరక, పరిసరముల పరిశుద్ధత.

4. కామ, క్రోధాదులు లేకుండుట.

5. సంకల్పరహితముగా ఉండుట.

6. మనోనిగ్రహము.

79. తపస్వులు ఆహారమును వర్జించి సాధన చేయగల శక్తి కల్గి ఉండవలెను. ఎపుడైతే సాధకుడు పైన తెల్పిన తపస్వి లక్షణములు కల్గి సాధన చేయునో, అప్పుడు అతనికి ఆహార ఆవశ్యకత లేక మానసిక శక్తితో తపస్సులో నిమగ్నమవగలడు. వారికి శ్వాస ద్వారానే విశ్వము నుండి శక్తి లభించును. శరీరము మనస్సు నిశ్చలమైనప్పుడు శక్తిని పొందే ఆవశ్యకత ఉండదు.

మామూలుగా శక్తి ఆహారం ద్వారా లభించును. కానీ తపస్సులకు అవసరమైన శక్తి కేవలం శ్వాస ద్వారానే లభించగలదు.

త్రివిధ తపస్సులు: 

1. ఆత్మానాత్మ వివేకముచే మనస్సును ప్రత్యగాత్మ యందు విలీనము చేయుట జ్ఞాన తపస్సు. ఇది ఉత్తమ తపస్సు.

2. ధ్యానధారణాదులచే మనస్సు నిలువరించి, సమాధిలోనుంచుట మధ్యమ తపస్సు.

3. కృచ్ఛంద్రాయణాదుల చేతను, ఉపవాసములచేతను, దేహేంద్రియములను కృశింపజేయుట కనిష్ఠ తపస్సు.

🌹 🌹 🌹 🌹 🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 14

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 14 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ 

🍃.  మన పూర్వీక గురువులు 🍃

59. యోగులలో పరబ్రహ్మమే ప్రథమ యోగి. ఇతడు సర్వజ్ఞుడు. బ్రహ్మ, విష్ణు, మహేశ్వరులు యోగ నిద్రలో ఉండి యోగమాయతో ఈ సృష్టిని నిర్వహించుచున్నారు. వేద విజ్ఞానము ముందుగా అగ్ని, వాయువు, ఆదిత్యుడు, అంగీరస లనువారిలో ప్రకాశించెను.

60. సృష్టి ప్రారంభమున ఋషి వర్గ మంతయు స్వయంగా ఉద్భవించి జ్ఞానము, శ్రవణము, తపస్సు అను నిశ్చిత రూపములో ఉండియున్నారు. వీరినే బ్రహ్మవేత్తలు అనియు, ఇంద్రియములను జయించి బ్రహ్మనిష్ఠను పొందినవారనియు పిలిచిరి.

61. మునులు అనగా మనన శీలులై ఎల్లపుడు పరమాత్మయందు లీనమై, పరమాత్మనే స్వస్వరూపముగా ధ్యానించువారు. వీరు ఆత్మ సర్వవ్యాప్తము, సర్వ శ్రేష్ఠమని ఆరూఢమై యుందురు.

62. దేవలోకమున నివసించువారిని దేవర్షులనిరి. వీరు త్రికాలజ్ఞులు, మంత్ర ప్రవక్తలు, సత్యవాదులు, గొప్ప తపశ్శక్తితో సర్వలోకములలో నిరంతరము సంచరించుచూ, దేవతలను కూడా తమ అధీనములో ఉంచుకొనువారు. ఇట్టి లక్షణములు కల దేవతలు, బ్రహ్మణులు, రాజర్షులు, శూద్రులు కూడా దేవర్షులనబడుదురు. ఉదాహరణ:- నరనారాయణులు, నారదుడు, వ్యాసుడు మొదలగువారు.

63. సనకసనందనాదులు కూడా బ్రహ్మ మానస పుత్రులే. వీరు బ్రహ్మ మనస్సు నుండి పుట్టినవారు. వీరు అందరకు జ్ఞానము ప్రసాదించిన ఆచార్యులు.

64. మనువులు పదునాల్గురు. ప్రతి మన్వంతరమునకు మనువులు మారుచుందురు. వారితోపాటు సప్త ఋషులు, దేవతలు, ఇంద్రుడు, మనుపుత్రులు కూడా మారిపోదురు.

65. సప్త ఋషులు, బ్రహ్మ మానస పుత్రులు భగవత్‌ కార్యములను ఆచరించుచుందురు. వీరు మరీచి, ఆత్రి, పులహుడు, వసిష్టుడు, అంగీరసుడు, పులస్త్యుడు, క్రతువు. వీరు ధర్మరక్షకులు, లోకరక్షకులు. 

66. విశ్వామిత్రుడు జమదగ్ని, భరద్వాజుడు, గౌతముడు, కశ్యపుడు మొదలగువారు బ్రహ్మ మానస పుత్రులు కాదు. పిదప బ్రహ్మర్షి అయినవారు.

67. వసిష్టుడు సప్త ఋషులలో శ్రేష్ఠుడు. శ్రీరామచంద్రుని గురువు. వీరి ధర్మ పత్ని అరుంధతి. అష్ట సిద్ధులు కలవారు. వీరి నూర్గురు కుమారులను విశ్వామిత్రుడు వధించినను ప్రతీకారము తీర్చుకొనలేదు. తపస్సు కంటెను సత్‌సాంగత్యము గొప్పదని విశ్వామిత్రునితో వాదించి రుజువుచేసెను. శ్రీయోగ వాసిష్టి గ్రంథ�ము, శ్రీవసిష్టునికి, శ్రీరామచంద్రునికి జరిగిన సంవాదమే. ఇది వసిష్ట గీత అని పిలువబడినది.

68. సప్త ఋషులలో ఒకడైన మరీచికి అనేక మంది భార్యలు కుమారులు కలరు. కశ్యప మహర్షి ఈయన కుమారుడే. బ్రహ్మ పురాణమును మొదట బ్రహ్మదేవుడు మరీచికి వినిపించెను.

69. అత్రి మహర్షి గొప్పతపస్సంపన్నుడు. మహా పతివ్రత అయిన అనసూయ ఈయన ధర్మపత్నియే. అనసూయ కపిల మహర్షి యొక్క చెల్లెలు. వీరికి బ్రహ్మ, విష్ణు, మహేశ్వరులు ప్రత్యక్షమై, వీరి అంశతో దత్తాత్రేయులు విష్ణు అంశతో జన్మించెను. అలాగే చంద్రుడు బ్రహ్మ అంశతోనూ, దుర్వాసుడు శివుని అంశతోనూ జన్మించిరి.

70. పులస్త్యుడు సమస్త యోగ శాస్త్ర పారంగుతుడు. మహా తపస్వి. ధర్మ పరాయణుడు. వీరికి ముగ్గురు భార్యలు కలరు. పెక్కు మంది కుమారులు కలరు. విశ్వవసువు వీరికుమారులు. కుబేరుడు, రావణుడు, కుంభకర్ణుడు, విభీషణులు విశ్వవసువు కుమారులే.

71. పులహుడు మహజ్ఞాని. వీరు సనందన మహర్షి నుండి జ్ఞానమును పొందిరి. వీరికి ఇద్దరు భార్యలు ఒకరు దక్షప్రజాపతి కుమారై అయిన 'క్షమ', రెండవ వారు కర్దమ పుత్రిక అయిన 'గతి' అనువారు. వీరికి అనేక మంది పుత్రులు, పుత్రికలు కలరు.

72. క్రతువు మహాతేజస్సంపన్నుడు. ఇతనికి ఇద్దరు భార్యలు. ఒకరు కర్దమ మహార్షి పుత్రిక 'క్రియ' ఇంకొకరు దక్ష కుమార్తె 'సన్నతి' వీరి వలన వాలఖిల్యులు అను పేరు గల్గిన అరవై వేల మంది ఋషులు జన్మించారు.

73. అంగీరసుడు అసాధారణ ఋషి. అధ్యాత్మిక తేజోసంపన్నుడు ఇతనికి పెక్కుమంది భార్యలు కలరు.

74. సప్త ఋషులు బ్రహ్మ ద్వారా సృష్టించబడి సంతాన ఉత్పత్తికి తద్వారా భూలోక ప్రజా జీవనమునకు, ప్రధాన కారకులైరి.

75. సప్త ఋషుల లక్షణములు: బ్రహ్మ మానస పుత్రులు, తేజోమూర్తులు, ధర్మాచరణ ప్రవక్తలు, ప్రజాపతులు, దీర్ఘాయువులు, వేదమంత్రప్రవక్తలు, దివ్యశక్తి, సంకల్ప శక్తి గల్గి దివ్య దృష్టి కలవారు, సర్వ ధర్మమర్మజ్ఞులు యజ్ఞములు చేయుట, చేయించుటలో ప్రవీణులు, గురుకులముల ద్వారా విద్యాభివృద్ధికి తోడ్పడతారు. సంతాన ప్రాప్తికి గృహస్తాశ్రమములు స్వీకరించిరి. సంతానము, గోధన సంపన్నులు. ప్రాపంచిక భోగములందు ఆసక్తి లేని వారు. మనస్సును జయించినవారు. వాక్‌ శుద్ధి కలిగిన వారు.

76. ఇతర మహా ఋషులలో ముఖ్యులు:

1. కాక భుషుండి మహర్షి: ఇతని చే రచింపబడిన 'కాక భుజందర్‌ నాడీ'. అను గ్రంథము చాలా ప్రసిద్ధి చెందినది. ఈ గ్రంథములో అనేక ఆశ్చర్యకర విశేషములతో పాటు ఎన్నో రహస్యాలు వర్ణింపబడినవి. కేవలము కారణజన్ములు. అవతారముర్తులను గూర్చి వారి రహస్యములను ఇందు తెలుపబడినవి.

2. పరాశరమహర్షి: వీరు రచించిన ''హోరానాడి'' అను గ్రంథము అద్భుతము, ఆశ్చర్యకరమైనది. అందు యోగజ్ఞానము, సత్యజ్ఞానము, లోకజ్ఞానము, సృష్టి రహస్యములు తెలుపబడినవి. భూతభవిష్యత్‌ విషయములు వర్ణింపబడినవి.

3. కపిల మహర్షి: అణువులో బ్రహ్మశక్తిని ధర్శించిన వారిలో కణ్వ, గౌతమ మహర్షుల తర్వాత కపిల మహర్షిని పేర్కొనబడిరి. అణువు నందు గల శక్తియే బ్రహ్మము అను అణు సిద్ధాంతాన్నీ మొదట కపిల మహర్షి రూపొందించారు.

4. విశ్వా మిత్రుడు: ఇతడు పదివేల సంవత్సరములు తపస్సు చేసిన క్షత్రియుడు బ్రహ్మర్షి అయ్యెను. దశరధుని కుమారుడైన రామచంద్రుని తన యాగ రక్షణుకు తీసుకొని వెళ్ళి అతనికి అనేక అస్త్ర శస్త్రములను బోధించినవాడు.

వీరు కాక వాల్మికి, కర్దముడు, భృగువు, చ్యవనుడు, ఉద్దాలకుడు, ఉశీలుడు, వామదేవుడు, దుర్వాసుడు, భరద్వాజుడు, బుచీకుడు మొదలైన అనేక మంది వేదవేదాంగపారంగతులైరి.

77. ఈ ప్రపంచమున నివశించు ప్రజలందరు ఎవరికి సంతతి అయినారో అట్టి పూర్వీకులైన సప్తఋషులకు కూడా సనకసనందనాదులు, వసువులు, దేవర్షులు మొదలగువారు చాలా పూర్వీకులు. వీరందరినుండియె ఈ ప్రపంచములోని జనులందరు పుట్టిరి. అందుకే వారి గోత్రనామాలను మనము ఇప్పటికి వంశానుసారముగా కలిగి యున్నాము.

🌹 🌹 🌹 🌹 🌹

Date: 22/Mar/2019

THEOSOPHY - DEVINE WISDOM - 2

🌹 THEOSOPHY - DEVINE WISDOM 🌹

Part 2

✍ Rudolf steiner

🍃 THE CONSTITUTION OF THE HUMAN BEING 🍃

The following words of Goethe's describe, in a beautiful manner, the starting point of one of the ways by which the constitution of man can be known: "When a person first becomes aware of the objects surrounding him, he observes them in relation to himself, and rightly so, for his whole fate depends on whether they please or displease him, attract or repel, help or harm him. This quite natural way of looking at and judging things appears to be as easy as it is necessary.

Nevertheless, a person is exposed through it to a thousand errors which often cause him shame and embitter his life. A far more difficult task do those undertake whose keen desire for knowledge urges them to strive to observe the objects of nature in themselves and in their relations to each other, for they soon miss the gauge which helped them when they, as persons, regard the objects in reference to themselves personally. They lack the gauge of pleasure and displeasure, attraction and repulsion, usefulness and harmfulness; this gauge they have to renounce entirely. They should, as dispassionate and, so to speak, divine beings, seek and examine what is, and not what gratifies. Thus the true botanist should not be affected either by the beauty or by the usefulness of the plants. He has to study their structure and their relation to the rest of the vegetable kingdom; and just as they are one and all enticed forth and shone upon by the sun, so should he with an equable, quiet glance look at and survey them all and obtain the gauge for this knowledge, the data for his deductions, not out of himself, but from within the circle of things which he observes."

The thought thus expressed by Goethe directs attention to three kinds of things. First, the objects concerning which information continually flows to man through the doors of his senses, those that he touches, smells, tastes, hears, and sees. Second, the impressions which these make on him, and which record themselves as his pleasure and displeasure, his desire or abhorrence, according as he finds one harmonious, another inharmonious, one useful, another harmful. Third, the knowledge and the experiences which he, as a so-to-speak "divine being," gains concerning the objects—the secrets of their activities and their being which unveil themselves to him.

These three regions are distinctly separate in human life. And man thereby becomes aware that he is interwoven with the world in a threefold way. The first way is something that he finds present and accepts as a given fact. Through the second way he makes the world into his own affair, into something that has a significance for himself. The third way he regards as a goal toward which he has unceasingly to strive.

Why does the world appear to man in this threefold way? The simplest consideration will explain that. I cross a Meadowv covered with flowers. The flowers make their colors known to me through my eyes. That is the fact which I accept as given. I rejoice in the splendor of the colors. Through this I turn the fact into an affair of my own. By means of my feelings I link the flowers with my own existence. A year after I go again over the same meadow. Other flowers are there. New joy arises in me through them. My joy of the former year will appear as a memory. It is in me; the object which aroused it in me is gone. But the flowers which I. now see are of the same species as those I saw the year before; they have grown in accordance with the same laws as did the others. If I have enlightened myself regarding this species and these laws, I find them again in the flowers of this year as I recognized them in those of the former year. And I shall perhaps muse as follows: "The flowers of last year are gone; my joy in them remains only in my remembrance. It is bound up with my existence alone. That, however, which I recognized in the flowers of the former year and recognize again this year, will remain as long as such flowers grow. That is something that revealed itself to me, but which is not dependent on my existence in the same way as my joy is. My feelings of joy remain in me; the laws, the being of the flowers, remain outside of me in the world."

Man continually links himself in this threefold way with the things of the world. One should not for the time being read anything into this fact, but merely take it as it presents itself. It makes it evident that man has three sides to his nature. This and nothing else will for the present be indicated here by the three words body, soul, and spirit. He who connects any preconceived meanings, or even hypotheses, with these three words will necessarily misunderstand the following explanations. By body is here meant that by which the things in the environment of a man reveal themselves to him, as in the example just cited, the flowers of the meadow. By the word soul is signified that by which he links the things to his own being, through which he experiences pleasure and displeasure, desire and aversion, joy and sorrow. By spirit is meant that which becomes manifest in him when, as Goethe expressed it, he looks at things as "a so-to-speak divine being." In this sense the human being consists of body, soul, and spirit.

Through his body man is able to place himself for the time being in connection with the things; through his soul he retains in himself the impressions which they make on him; through his spirit there reveals itself to him what the things retain in themselves. Only when one observes man in these three aspects can one hope to gain light on his whole being. For these three aspects show him to be related in a threefold way to the rest of the world.

Through his body he is related to the objects which present themselves to his senses from without. The materials from the outer world compose this body of his; and the forces of the outer world work also in it. And just as he observes the things of the outer world with his senses, he can also observe his own bodily existence. But it is impossible to observe the soul existence in the same way. All occurrences connected with my body can be perceived with my bodily senses. My likes and dislikes, my joy and pain, neither I nor anyone else can perceive with bodily senses. The region of the soul is one which is inaccessible to bodily perception. The bodily existence of a man is manifest to all eyes; the soul existence he carries within himself as HIS world. Through the spirit, however, the outer world is revealed to him in a higher way. The mysteries of the outer world, indeed, unveil themselves in his inner being; but he steps in spirit out of himself and lets the things speak about themselves, about that which has significance not for him but for them. Man looks up at the starry heavens; the delight his soul experiences belongs to him; the eternal laws of the stars which he comprehends in thought, in spirit, belong not to him but to the stars themselves.

Thus man is citizen of three worlds. Through his body he belongs to the world which he perceives through his body; through his soul he constructs for himself his own world; through his spirit a world reveals itself to him which is exalted above both the others.

It is evident that because of the essential differences of these three worlds, one can obtain a clear understanding of them and of man's share in them only by means of three different modes of observation.
🌹 🌹 🌹 🌹 🌹 🌹 🌹
Prasad

Theosophy - Divine Wisdom - 1

🌹 Theosophy - Divine Wisdom 🌹

Part 1

✍ Rudolf steiner

🍃 Introduction to the Science of Knowledge🍃

When Johann Gottlieb Fichte, in the autumn of 1813, gave to the world his "Introduction to the Science of Knowledge" as the ripe fruit of a life wholly devoted to the service of truth, he said, at the very beginning: "This science presupposes an entirely new inner sense organ or instrument, by means of which there is revealed a new world which does not exist for the ordinary man." And he proceeded to give the following comparison to show how incomprehensible this doctrine of his must be when judged by means of conceptions founded on the ordinary senses: "Think of a world of people born blind, who therefore know only those objects and relations which exist through the sense of touch.

Go among them and speak to them of colors and the other relations which exist only through light and for the sense of sight. Either you convey nothing to their minds, and this is the more fortunate if they tell you so, for you will in that way quickly notice the mistake and, if unable to open their eyes, will cease the useless speaking. …" Now those who speak to people about such things as Fichte deals with in this instance find themselves only too often in a position like that of a man who can see among the born blind. But these are things that refer to man's true being and highest goal, and to believe it necessary "to cease the useless speaking" would amount to despairing of humanity. On the contrary, one should not for one moment doubt the possibility of opening the eyes of everyone to these things, provided that he is in earnest in the matter.

On this supposition have all those written and spoken who felt that within themselves the "inner sense-instrument" had grown by which they were able to know the true nature and being of man, which is hidden from the outer senses. This is why from the most ancient times such a "Hidden Wisdom" has been again and again spoken of. Those who have grasped something of it feel just as sure of their possession as people with normal eyes feel sure that they possess the conception of color. For them this "Hidden Wisdom" requires no "proof." They know also that it requires no proof for any other person who, like themselves, has unfolded the "higher sense." Such a one can speak as a traveler can about America to people who have not themselves seen that country, but who can form a conception of it because they would see all that he has seen if the opportunity presented itself to them.

But not only to such has the investigator of the higher truth to speak. He must address his words to all mankind. For he has to make known things that concern all humanity. Indeed he knows that without a knowledge of these things no one can, in the true sense of the word, be a "human being." And he speaks to all mankind because he knows that there are different grades of understanding for what he has to say. He knows that even those who are still far from the moment in which they will themselves be capable of spiritual investigation can bring a certain measure of understanding to meet him.

 For the Afeeling for truth and the power of understanding it is inherent in every human being. And to this understanding, which can flash forth in every healthy soul, he in the first place addresses himself. He also knows that in this understanding there is a force which, little by little, must lead to the higher grades of knowledge. This feeling, which perhaps at first sees nothing at all of that which is told it, is itself the magician which opens the "eye of the spirit." In darkness this feeling stirs; the soul does not see, but through this feeling it is seized by the power of the truth; and then the truth will gradually draw nearer to the soul and open in it the "higher sense." For one person it may take a longer, for another a shorter time, but everyone who has patience and endurance reaches this goal. For although not every physical eye can be operated on, every spiritual eye can be opened, and when it will be opened is only a question of time. Erudition and scientific training are not essential to the unfolding of this "higher sense." It can be developed in the simpleminded person just as in the scientist of high standing.

Indeed, what is often called at the present time "the only true science" can, for the attainment of this goal, be a hindrance rather than a help. For this science too often permits to be considered "real" only what is perceptible to the ordinary senses. And however great its merit is in regard to the knowledge of that reality, it creates at the same time a mass of prejudices which close the approach to higher realities.

In objection to what is said here it is often brought forward that "insurmountable limits" have been once and forever set to human knowledge, and that, since one cannot pass beyond these limits, all branches of investigation and knowledge which do not take them into account must be rejected. And a person who wishes to make assertions about things which many regard as proved to lie beyond the limits that have been set to human capacities of knowledge, is looked upon as highly presumptuous. Those who make such objections entirely disregard the fact that a development of the human powers of knowledge has to precede the higher knowledge.

What lies beyond the limits of knowledge before such a development is, after the awakening of faculties slumbering in each human being, entirely within the realm of knowledge. One point in this connection must, indeed, not be neglected. One could say, "Of what use is it to speak to people about things for which their powers of knowledge are not yet awakened, and which are therefore still closed to them?" But that is also the wrong way to look at it. One requires certain faculties to find out the things referred to; but if, after having been found out, they are made known, every person can understand who is willing to bring to bear upon them unprejudiced logic and a healthy instinct for truth. In this book the things made known are of no other kind than such as can produce the impression that through them the riddle of human life and the phenomena of the world find a satisfying explanation. This it can do on anyone who allows thinking that looks at all sides of a subject and is unclouded by prejudice, and a feeling for truth that is free, and sets no reserves, to take effect.

Let one merely place himself in the attitude of asking, "If the things that are asserted here are true, do they afford a satisfying explanation of life?" and one will find that the life of each human being supplies the confirmation.

In order to be a "teacher" in these higher regions of existence, it is by no means sufficient that a person has developed the sense for them. For that purpose "science" is necessary, just as much as it is necessary for the teacher's calling in the region of ordinary reality. "Higher seeing" alone makes a "knower" in the spiritual just as little as healthy sense organs make a "scholar" in regard to the sensible realities.

And because in truth all reality, the lower and the higher spiritual, are only two sides of one and the same fundamental essence, anyone who is unlearned in the lower branches of knowledge will as a rule remain so in regard to the higher. This fact creates a feeling of responsibility that is immeasurable in him who, by a spiritual call, is destined to be a teacher in the spiritual regions of existence. It creates in him humility and reservedness. But it should deter no one from occupying himself with the higher truths, not even him whose other circumstances of life afford no opportunity for the study of ordinary science.

For one can, indeed, fulfill one's task as a human being without understanding anything of botany, zoölogy, mathematics, and other sciences; but one cannot, in the full sense of the word, be a "human" being without having, in some way or other, come near to a perception of the nature and destination of man revealed in the "Higher Wisdom."

The highest to which a man is able to look up he calls the "Divine." And he has in some way or other to bring his highest destination into connection with this Divinity. For this reason the higher wisdom which reveals to him his own being, and with it his destination, may very well be called "Divine Wisdom," or theosophy.

From the point of view here indicated there will be sketched in this book an outline of the theosophical interpretation of the universe. The writer of it will present nothing that is not a fact for him, in the same sense as an experience of the outer world is a fact for eyes and ears and the ordinary intelligence. Indeed, experiences will be dealt with which become accessible to each person who is determined to tread the "path of knowledge" described in a special section of this work.
🌹🌹🌹🌹🌹🌹🌹
Prasad

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 13

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 13 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ 

🍃. యోగి లక్షణములు 🍃

40. బ్రహ్మ జ్ఞాని అయిన యోగి భౌతిక సాధనలు, పూజ సామాగ్రిని వాడడు. తాంత్రిక సాధనలు చేయడు. దేవతారాధనకు ఎక్కువ ప్రాధాన్యత ఇవ్వడు.

41. ఆసనములు, ప్రాణాయామము, భూచరి, ఖేచరి, సాంభవి ముద్రలను అభ్యసించడు.

42. యోగి అయిన వాడు ఇడ, పింగళ, సుషుమ్న, నాడుల మార్గములు అన్వేషించడు.

43. ఆత్మ నిగ్రహమునకు, ఇంద్రియ నిగ్రహమునకు అతీతముగా యోగి వుండును.

44. సకామ, నిష్కామ కర్మలకు అతీతుడుగా ఉండును. ఈశ్వరానుగ్రహమునకు పాత్రుడై ఆత్మానందుడై ఉండును.

45. బ్రహ్మ జ్ఞాని అయిన యోగి తాను మనస్సు, బుద్ధి, శరీరము, ఇంద్రియములు, అహంకారము పంచతన్మాత్రలు పంచభూతములు కాదని తెలిసియుండును.

46. శాస్త్ర జ్ఞానములందు, శుద్ధ అశుద్ధులందు అతీతుడుగా ఉంటూ కేవలం ఆత్మ యందే రమించి ఉండును.

47. యోగి శరీరపరముగా ఏ స్థితిలో మరణించినను, ఎచ్చట మరణించినను, తాను పరమాత్మ యందే ఐక్యమైయుండును.

48. యోగులు భౌతికముగా చతుర్విద ధర్మములను ఆచరిస్తూ ప్రేమ, వైరాగ్యములను అలవర్చుకుని నిర్గుణుగా యుండును.

49. యోగికి వేదాధ్యయనము, దీక్షలు, విగ్రహారాధనతో పనిలేదు. 

50. యోగి సదా బ్రహ్మ భావనలో లీనమై ఉండుటచే అంత్య కాలమందు కూడా అదే నిష్ఠ కల్గి పునర్జన్మ పొందడు.

51. యోగి సంకల్ప రహితుడు, జన్మ రహితుడు అగుటచే అతనికి పిత్రుయానము, దేవయానము లుండవు.

52. యోగి జీవన్ముక్తుడగుటచే మానసికముగా అంతరముగా పవిత్రుడై ఉండును.

53. యోగి కర్మలను నిష్కామముగా ఆచరించుటచే, అతడు కర్మలను చేసినను త్యజించినవాడే అగును. 

54. యోగి జ్ఞానికంటెను, తపస్వుల కంటెను పండితులకంటెను, శ్రేష్ఠుడు. నిరంతర కృషి, ధ్యానాభ్యాసము, కఠోర సాధన వలన యోగి అగుచున్నాడు.

55. యోగులలో మహా యోగియైనవాడు పంచ జ్ఞానేంద్రియములు, కర్మేంద్రియములను, మనసును నిగ్రహించి భగవంతుని యందు వాటిని ఐక్యము చేయు నేర్పరియైయుండును.

56. యోగియైన వాడు విషయ, వస్తు, శబ్ధ, భోగ రాహిత్యముతో సాధన యందు అనాసక్తుడై వుండి కర్మలను కూడా అనాసక్తితో ఆచరించును. అపుడు కర్మ అంటదు.

57. యోగికి యోగాభ్యాస కాలములో అనారోగ్యము, భోగాదులపై ఆసక్తి, ఇతర వ్యక్తిగత, బాహ్యకారణముల వలన యోగాభ్యాసమునకు భంగము కలిగినపుడు అతడు యోగభ్రష్టుడగు చున్నాడు.

58. యోగభ్రష్టుడు మరణానంతరము పుణ్యలోకములు పొంది, తిరిగి శ్రీమంతుల సదాచారపరుల ఇండ్లలో జన్మించి జ్ఞానియై మరల యోగాభ్యాసము కొనసాగించి చివరికి ముక్తుడగును. గత జన్మ సంస్కారములు ఇతనికి తోడ్పడును. అందువలన యోగి ముక్తి నందువరకు యోగిగానే జీవించి ఉండును.

🌹🌹🌹🌹🌹🌹🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 12

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 12 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ

🍃. యోగి అనగా ఎవరు 🍃

26. యోగి అయిన వాడే యోగిని గూర్చి అర్థము చేసుకొనగలడు. ఆత్మ జ్ఞానము కొరకు నిరంతర సాధన చేయువాడే యోగి. 

27. 'అహం బ్రహ్మాస్మి' అను భావముతో యోగ స్థితిలో అభ్యాసకుడు పరమాత్మను అనుభవంలోనికి తెచ్చుకొనును. అనాసక్తముగా అభ్యాసం చేయుచు జీవాత్మను పరమాత్మ యందు ఐక్యము చేయు సామార్థ్యము కలిగినవాడే యోగాభ్యాసకుడు.

28. ధైర్యంతో కూడిన బుద్ధిచే, మనస్సును మెల్లమెల్లగా, అంచలంచెలుగా, ప్రాపంచిక విషయ వస్తు, పదార్థ, భోగ విషయముల నుండి మరలించువాడు యోగి.

29. ఇంద్రియ పదార్థములపై అసక్తిలేని వాడై, కర్మల యందు త్యాగబుద్ధి కలవాడై, సంకల్ప, వికల్ప రహితుడైన వాడు యోగారూఢుడని పిలువబడును.

30. యోగభ్రష్టుడైనప్పటికి, ఇహపరములందు వినాశమును పొందక, మరణానంతర జన్మయందు ఉత్తమ కుటుంబమునందు జన్మించి యోగారూఢుడై జీవన్ముక్తిని పొందును. అతనికి గతజన్మల యోగ సాధన తోడ్పడును.

31. యోగి అయిన వాడు తపస్వుల కంటెను, శాస్త్రజ్ఞుల కంటెను, కర్మలు చేయువారి కంటెను సర్వ శ్రేష్టుడని గీతావాక్యము.

32. ఆత్మ ప్రాప్తిని పొందిన యోగి జ్ఞానియై, వికార రహితుడై, ఇంద్రియములను వశపర్చు కొన్న వాడై, మట్టి బంగారము లందు సమ భావన కలవాడై ఉండును.

33. యోగి జీవించి యుండగనే కామక్రోధాదులను అదుపులో ఉంచుకొని, భోగక్షయము కలిగి నిజమైన సుఖవంతుడుగా ఉండును.

34. ఆత్మ ప్రాప్తికై కర్మయోగము, జ్ఞానయోగము, ధ్యానయోగము, భక్తి యోగము లను అనుష్ఠించువారందరు యోగులే.

35. యోగి చిణీ ఛిణీ, కింకిణీ, శంఖు, వేణు, వీణా, తాళ, ఘంట, భేరి, మృదంగ, మేఘనాదములను దశ విధ శబ్దములను ఆనందముగా వినుచూ అమృతపానము చేయుచుండును. నాభియందు యోగాగ్ని పుట్టి సంచితకర్మలను భస్మం చేయును.

 

36. తాబేలు తన అవయవములను లోనికి ముడుచుకొనునట్లు, యోగి ఇంద్రియములను నిరంతరము మరలించుకొని యుండును. అతని స్థితి గాలి వీచని చోట దీపము వలె నిశ్చలముగా ఉండునట్లు ఉండును.

 

37. వేద శాస్త్ర పఠనాభ్యాసములు, పూజలు, హోమములు, తపస్సు, వ్రతములు, ఉపవాసములు, దానములు, ఇంద్రియ సంయమముల వలన కలుగు పుణ్య సంపద అంతయు యోగి అప్రయత్నముగనే పొందును.

38. సత్కర్మల ద్వారా పొందు స్వల్ప పుణ్యము తాత్కాలికములు. అది అంతరించిపోవును. ఆత్మ ప్రాప్తి వలన కలుగు పుణ్యము అనంతము, శాశ్వతము. కావున బ్రహ్మ తత్త్వములను తెలిసిన యోగి బ్రహ్మమునే పొందును.

39. యోగమును శరణు వేడిన యోగి మాయను దాటుటయే గాక అతని యోగ క్షేమములు భగవంతుడే చూచుకొనును.

🌹 🌹 🌹 🌹 🌹 

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 11

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 11 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ 

🍃. అనేక జన్మల సాధనా ఫలితమే యోగము 🍃

 

10. అనాదిలో సత్య యుగమునందు అవతరించిన యోగము నాశరహితమైన పరమార్థ లక్ష్యమునకు సాధన. భారత దేశం యోగ భూమి. యోగాలకు పుట్టినిల్లు. అనేక మంది యోగులకు జ్ఞానులకు భారతదేశం పుట్టినిల్లు. శ్రీకృష్ణుడు గీత యందు యోగాన్ని గూర్చి తెలుపుతూ తాను యోగ రహస్యమును మొదట సూర్యునికి తెలిపినట్లు, సూర్యుడు తన కొడుకు మనువుకు, మనువు తన కొడుకు ఇక్ష్వాకునకు తరువాత వంశాను గతంగా ఇతర రాజులకు తెలిపినట్లు చెప్పియున్నాడు.

11. యోగాన్ని గూర్చి వేదములు ఉపనిషత్తులు, గీత, శ్రీయోగవాసిష్ఠము, పతంజలి యోగ సూత్రములు, స్మృతులు, పురాణములు ఇతిహాసముల ద్వారా తెలియుచున్నది. సత్యము అనగా బ్రహ్మము. అట్టి బ్రహ్మమును పొందు మార్గమే సత్యయోగము. అప్పటి కృత యుగమే సత్య యుగము. సత్య యోగమునకు మూలము సత్యము, ధర్మము. యోగము అనగా కలియుట లేదా ఐక్య మొందుట.

12. యోగమును గూర్చి అర్థము కావాలంటే యోగ సాధన అత్యావశ్యకము. జీవాత్మ పరమాత్మలో ఐక్యమగుటయే యోగము. కార్యము ఫలించినను ఫలించకుండినను సమత్వ స్థితిలో ఉండుటయే యోగము. కర్మలయందు నేర్పరి తనము, అనాసక్తిగా కర్మలను ఆచరించుట, చిత్త వృత్తులను నిరోధించుట యోగము. నిశ్చల సమాధిస్థితి, ఆత్మ దర్శనం పొందుటయే యోగము. సర్వత్ర వ్యాపించి యున్న పరమాత్మ యందు ఐక్యమై తానే సర్వము, అను స్థితిని పొందుటయే యోగము.

13. జ్ఞానేంద్రియములను కర్మేంద్రియాలను అంతః కరణ చతుష్టయము ద్వారా జరుగు క్రియలందు ఆసక్తిని నిరోధించుటయే యోగము. షట్చచక్రాల ప్రభావం వలన కలిగిన గుణాలను, తత్త్వాలను చివరిదైన సహస్రారములో లయింప చేయుటయే యోగ సాధన.

14. ఖగోళములో జరిగే క్రియలను, మార్పులను, దివ్య దృష్టిచే అంతరమున గమనించుటయే యోగ గమనము.

15. ప్రాపంచిక దృశ్య విషయ వృత్తులను విచారణ, విషయములనుండి మరల్చుట, హృదయస్తమగు ఆత్మ యందు, స్వ స్వరూపమునందు మనస్సును బంధించుటయే యోగ క్రియ.

16. ఏకాగ్రత అన్నా, ధ్యానమన్నా, సమాధిస్థితి అన్నా, శూన్య స్థితి అన్నా, యోగములోని అంగము.

17. యోగమనగా ప్రాణాయామము, ప్రాణక్రియ అని చెప్పబడినది. శ్వాసను 'ఓం' అను ప్రణవ మంత్రముతో అనుసంధించుట వలన బ్రహ్మ భావన పొందుచున్నాడు. మోక్షమునకు ప్రాణాయామము కూడా ఒక సాధనము.

18. పరమాత్మ తత్త్వమైన ఆత్మ దేహమునందు ఉంచబడి బ్రహ్మమే అగుచున్నది. అంతరాత్మ, పరమాణువు, క్షేత్రజ్ఞుడు అయిన ఆత్మ తత్త్వమును తెలుసుకొను మార్గమే యోగము. ఆత్మానుభూతులను గూర్చి అన్వేషణ చేయుటయే యోగము. భగవంతుని వద్దకు చేర్చు ఏకైక మార్గమే యోగము.

19. ఆనంద పారవశ్యకమంతా రహస్య యోగములోనే యున్నది. మానవ స్థితులనుండి మానవాతీత స్థితికి చేరుటయే యోగము. 

20. పురుష, బ్రహ్మత్వముల కలయికయే యోగము. ఇదియే అర్థనారీశ్వర విధానం.

 

21. యోగమును పొందుటకు గృహాన్ని వదిలి అరణ్యాలకు, ఆశ్రమాలకు పోవలసిన అవసరం లేదు. ఎవరి ఇంటిలో వారు కుటుంబ సభ్యులతోనే ఉంటూ యోగ సాధన చేయవచ్చు. దేహమే దేవాలయము. అంతటా ఉన్న సాక్షాత్‌ పరబ్రహ్మం శరీరంలో కూడా వున్నాడు.

22. ఎవరికి ఏది అవసరమో, ఎంత అవసరమో వారు యోగాభ్యాసము వలన పొందవచ్చు. భిన్న భిన్న తత్వములను సమన్వయ పరచి ఒకే లక్ష్యమైన పరబ్రహ్మతత్వమును అందించునదే, జ్ఞానయోగము.

23. గత జన్మల కర్మలను నశింపజేసి కర్మవిముక్తులను చేయునది యోగము. మోక్షము పొందాలంటే కర్మ బంధాలు రద్దు కావాలి. లేనిచో తిరిగి తిరిగి జన్మలు తీసుకోకతప్పదు.

24. యోగమును అనుభవము పొందుట ద్వారానే సాధించవలెను. కేవలము అవగాహన జ్ఞానము, జ్ఞానానుభూతి పొందుట చాలదు.

25. యోగాంగములైన గ్రంథపఠనము, సత్‌ సంగము, విచారణ, మననము, చింతన, నిరంతర అభ్యాసము, ధ్యానము, ఏకాగ్రత, అనుభూతి అనునవన్నియు సాధించినపుడే ఆత్మదర్శనము ప్రాప్తించును.

🌹 🌹 🌹 🌹 🌹 

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 10

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 10 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ 

🍃 . అంతరంగము 🍃

2. 84 లక్షల జీవరాశులలో మానవుడొక్కడే మనస్సు కలిగి బుద్ధి ద్వారా విచక్షణా జ్ఞానము కలిగి, ఏది చేయాలో, ఏది చేయకూడదో, ఎందుకు చేయాలో, ఎలా చేయాలో, ఎప్పుడు చేయాలో, తెలిసిన, తెలుసుకొనగల్గిన జీవి.

3. అన్ని పనుల్లో ముఖ్యమైనది, ప్రతి మనిషి తన జీవితములో సాధించవల్సింది యోగము. అనగా జీవాత్మ పరమాత్మను పొందే మార్గము. అందుకే సర్వశ్రేష్ఠమైన యోగజ్ఞానమనే మహ సాగరమును మధించి వెలికి తీసిన సారాంశములను సాధకులకు సామాన్య పాఠకులకు అందించుటకే ఈ పుస్తకమును తయారు చేయుట జరిగింది.

4. అతి జఠిలమైన యోగసాధనను సులువుగా అర్థం చేసుకొనుటకు, ఆచరించుటకు అనువుగా స్వయం అనుభవాలను, అనుభూతులను ఇందులో చొప్పించుట జరిగినది.

5. యోగ విషయాలు అనేకం ఒకేచోట ఒకే గ్రంథములో లభించుట చాలా అరుదు. అందుచే ఈ గ్రంథము సాధారణ సాధకులకు అందుబాటులో, సాధకులకు మార్గదర్శిగా ఉపయోగపడగలదు. అనేక మంది యోగుల, మహర్షుల బోధనలు, సాధనా విశేషములను, యోగ ఫలితములు ఇందు నిక్షేపింపబడినవి. ప్రాచీన యోగ సాధనలు, ఆత్మ జ్ఞానము, బ్రహ్మ జ్ఞానము, క్రియా విధానాలు, సాధకులు ఎదుర్నొనే సమస్యలు, సమాధి స్థితి, క్రియా స్థితులు ఇందు తెలియజేయబడినవి. యోగము నిరంతర సాధన ద్వారా అనుభవ పూర్వకముగా తెలుసుకొనవలసి ఉంటుంది.

6. ఈ అనంత కాలంలో మానవ జీవితము ఒక బుడగ లాంటిది. దీనిని సద్వినియోగము చేసుకున్న, మానవ జీవిత ధ్యేయము సఫలమౌతుంది. సాధన చేయాలంటే మానవ భౌతిక శరీరం మాత్రమే అనువైనది. మిగిలిన దివ్యాత్మలకు, ఇతర జీవరాశులకు ఇంతటి మహత్తర జన్మ, గొప్ప అవకాశము లేదు. దేవతలైనా ముక్తి పొందాలంటే మానవ జన్మ ఎత్తవలసిందే.

7. భగవంతుని పొందుటకు భక్తి, జ్ఞాన, కర్మ, ధ్యాన, క్రియా యోగములు అత్యంత ఆవశ్యకములు. మోక్ష స్థితికి అనేక మార్గములు ఇందు సూచించ బడినవి. ముముక్షువులకు ఇది అత్యంత ఆవశ్యకము.

సర్వయోగ సమన్వయమే ఈ పుస్తకము యొక్క ప్రధాన ధ్యేయము. నిరంతరం సాధన చేయుచు ఇలాంటి అధ్యాత్మిక గ్రంథ పఠనమును కొనసాగిస్తూ, మనస్సును ఎల్లప్పుడు ఏదో ఒక పనిలో నిమగ్నము చేయుట అత్యవసరము. మనస్సు ఒక దయ్యాల కార్ఖాన అని పలుకుటచే దానిని సరైన మార్గములో నడిపించుట మన విధి.

8. జీవితములో అనేక ఒడిదుడుకులను, సమస్యలు, సంఘటనలను యోగ సాధన ద్వారా అధిగమించవచ్చును. యోగ సాధన వలన అనేక శారీరక మానసిక అధ్యాత్మిక శక్తులు లభించగలవు. నిరాశ, నిస్పృహ, అశాంతి, సంశయము ఉన్న వారికి యోగసాధన మార్గదర్శి. అజ్ఞానమును పోగొట్టి ఆరోగ్యమును పొందుట, ఈతి బాధలు, రోగముల నివారణకు యోగసాధన అత్యంత ఆవశ్యకము.

9. అనేక కోట్ల విలువ గల మాణిక్యములు, పచ్చలు, నవరత్నముల కన్నా విలువైన ఆధ్యాత్మిక, యోగ రత్నములను వజ్రాయుధము వంటి యోగ సూత్రములు ఈ గ్రంథము ద్వారా అందించబడుచున్నాయి. ఇట్టి మహా రత్నములను పొంది అభ్యాసం చేయువారికి మోక్ష సామ్రాజ్యము కరతలామలకము.

🌹 🌹 🌹 🌹 🌹 🌹 🌹 

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 9

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 9 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ 

🍃. ఏడవ స్థితి 🍃

 

287. గుప్తవిద్యలో దైవ శక్తులు 12 ఎళిఖిరిబిది (రాసులు) 12 గుర్తులుగా నమోదుకాబడినాయి. ఈ 12 రాసులు 7 గ్రహాలకు సంయోగము చెంది ఉన్నాయి. అవన్ని అసంఖ్యాకమైన దివ్య, అర్థ, విద్య, భౌతిక శక్తులుగా విభజింపబడతాయి.

288. దివ్య శక్తులు మొదటి స్థాయిలో 'పరబ్రహ్మ' నుండి ఆత్మ విడిపోయి 'బ్రహ్మ'గా మొదటి శ్రేణి శక్తులు కలిగి ఉంటుంది. రెండవ శ్రేణికి చెందినవారు ఆకాశ, అగ్ని తత్వములు కలిగి; ఆత్మ, బుద్ధికి సంబంధించినవారు. మూడవ శ్రేణికి చెందినవారు ఆత్మ, బుద్ధి, మనస్సుకు చెంది త్రిపుటిగా వర్ణింపబడిన శక్తులు. ఈ మూడు శ్రేణులు అరూప స్థితికి చెందినవి.

 

289. రూప స్థితిలో నాల్గవ స్థాయి చేతనత్వములో అగ్ని, నీరు, వాయువులు; ఈ మూడు పృధ్వీ తత్వమునకు చెందినవి కావు. కాని వాటి యొక్క తన్మాత్రలు.

290. 5వ శ్రేణి చేతనత్వములో చాలా రహస్యమైన మానవుని వ్యక్తపరుస్తుంది. ఇది మనస్సు యొక్క చేతనత్వము.

 

291. 6వ శ్రేణిలో మనిషికి, కింద శ్రేణికి చెందిన ప్రకృతి దేవతలు, భూతములు మొదలగునవి. ఈ విధముగా జీవన ప్రవాహాము వివిధ స్థాయిలలో క్రిందికి దిగుతుంది.

 

292. ఒకే ఆత్మ అనేక జన్మలు తీసుకొని వ్యవహరించుట జరుగుతుంది.

293. పరిణామ క్రమములో మొదటిది ఖనిజము, రెండవది వృక్షజాతి, మూడవది జంతువులు, నాల్గవది మనిషి. మనస్సు మనిషికి ప్రత్యేకముగా ఇయ్యబడుతుంది. మనస్సు తరువాత బుద్ధి, మనిషికి కలిగి ఆత్మను తెలుసుకొనుటకు మార్గము ఏర్పడుతుంది. ఇవన్నీ గుప్త విద్య యొక్క రెండవ భాగములో వివరంగా తెలుపబడినాయి.

294. ఏవిధంగా ఒకే చంద్రుడు అనేక తరంగాలలో ప్రతిబింబిస్తాడో అలానే ఒకే పరమాత్మ అన్ని శరీరాలలో ప్రతిబింభిస్తుంది.

295. ప్రస్తుత పరిణామ దిశకు వస్తే 7 పరిభ్రమణాలలో మొదటిదైన ఖనిజ జగత్తు, రెండవదైన వృక్షజగత్తు, మూడవదైన జంతుజగత్తు, నాల్గవదైన మానవుడు అనగా పురుషుడు ప్రకృతి మీద అధికారం సంపాదిస్తున్నాడు.

 

296. భూమి పరిణామ క్రమములో పృధ్వీ సూక్ష్మ కణాలతో నిర్మింపబడి ఉన్నత మార్గములోకి వెలుతుంది.

297. భూమి మొదటి పరిభ్రమణములో ఆకాశభూతాన్ని తయారు చేసింది. రెండవ పరిభ్రమణములో అగ్ని, భూమి కలసి పరిస్థితులకు తగిన జీవులను తయారు చేసింది. అలా క్రమముగా పంచేంద్రియాలు అభివృద్ధి పర్చుకొని సహజ దివ్య దృష్టివైపు మనిషి ఎదుగుచున్నాడు.

298. మొదటి ఈ పరిణామ దిశలో దివ్య శక్తులు, జంతువులు మొదలగునవి ఏర్పడినవి. రెండవ స్థాయిలో భౌతికత పెంపొందింది. మూడవ పరిభ్రమణములో మానవ జాతి రూపొందింది. అపుడే జలమును దాని తత్వమును గూర్చి మానవుడు గ్రహించగలిగాడు. ఈ తత్వము మొదట అతి సూక్ష్మ కణాలతో, లక్షణాలతో ఉండేది.

299. నాల్గవ పరిణామ దశలో అరూప స్థితిలో ఉన్న మానవుడు క్రింది స్థాయికి స్వరూప స్థాయికి దిగినపుడు అప్పటి వరకు అతనికున్న అతీంద్రియ శక్తులు కొల్పోయాడు.

300. నిశ్శబ్దం అనగా కన్ను చూడలేనిది, చెవి వినలేనిది.

301. 5వ పరిణామములో ఆకాశము ఒక తత్వము లాగా రూపొందింది. దానికి శరీరము ఒక వాహనముగా మారింది.

302. వైజ్ఞానికుల పరిశోధన ప్రకారము మనము అనేక జీవరాశుల మధ్య జీవిస్తున్నాము. ప్రకృతిలోని ప్రతి కణము రెండు లక్షణాలు కలిగి ఉంది. 1) జీవాన్నిఇచ్చేది. 2) జీవాన్ని తీసుకొనేది. ఈ రెండింటి మధ్య ఏర్పడిన అనేక సంఘటనలు, విఘటనలు (ఇచ్చేవి, తీసుకొనేవి) వలన సృష్టి నిర్మించబడుతుంది. ప్రాణశక్తులు తమ పనులను నియమబద్దముగా కొనసాగించుటకు తోడ్పడుతుంది.

 

303. చంద్రుడు ఈ పరిణామాలకు ముఖ్యకారకుడు. చంద్రుడు ఔషధపదార్థములలో రస కారకుడు. మరియు చంద్రుడు స్త్రీల మీద తన ప్రభావము చూపి సృష్టికి కారణమగుచున్నాడు. 

304. పరమాత్మ (సాక్షి) పైలోకాల్లో ఉండి అతని నీడ, క్రింది లోకాలకు వ్యాపించి సాక్షిగా ఉన్నాడు. సాక్షి ఒకడే అయినా అతనికి పునర్జన్మలు అనేకము.

305. పరమాత్మ ఒకడే అయినా దాని వాహనమైన బుద్ధి ధ్యానిలోకములో సంబంధం కలిగి ఉంది.

 

306. జీవి ప్రతి జన్మకు నిరంతర పరిణామ క్రమములో ఒత్తిడికి లోనై అత్యున్నత స్థాయిని చేరుకుంటుంది.

307. ఏ రోజు వ్యక్తి 'ధ్యానీచోహాన్‌'లో కలుస్తాడో, నిర్మాణ స్థాయికి చేరుకుంటాడో అపుడు నిప్పురవ్వ జ్వాలలో కలిసినట్లు, వ్యక్తి బ్రహ్మములో కలుస్తాడు. కాని అతని వ్యక్తిత్వము అతనికుంటుంది. గాఢ నిద్రలో స్పురణం అంతాపోయి, సుషిప్తిలో ఉన్నపుడు, ఆత్మిక స్థితిలో లీనమై ఉన్నప్పటికి, మెలుకువ వచ్చిన తరువాత వ్యక్తి మామూలు స్థాయికి వస్తాడు. ఈ విధముగా సప్త విధ పరిణామ క్రమము, సప్తవిధ ప్రకృతిలో నిరంతరం జరుగుతూనే ఉంటుంది.

సర్వం బ్రహ్మ మయమే కదా!

🌹🌹🌹🌹🌹🌹🌹🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 8

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 8 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ 

🍃. సౌర మండలము 🍃

253. 'విశ్వం' మొత్తం అనేక సౌర మండలాలతో నిర్మించబడింది. ఒక సౌర మండలాన్ని గూర్చి తెలుసుకొంటే, పెరుగుదల తరుగుదలలో తప్ప మిగిలిన వాటిలో పెద్ద మార్పు ఉండదు. అపుడు విశ్వం మొత్తాన్ని గురించి తెలుసుకొన్నట్లే అవుతుంది.

254. సౌర కుటుంబ పరిమాణ క్రమము ప్రకృతి యొక్క ఏడు తలాలలో జరుగుతుంది. 1) ఆది స్పందనలు 2)అనుపాదక 3) ఆత్మ 4) బుద్ది 5) మనస్సు 6) కామము 7) స్థూల ప్రపంచము అందలి ప్రాణులు.

255. 1) సత్యలోకము:- ఆది అనగా 'సత్‌'

2) తపోలోకము:- అనుపాదకత - 'చిత్‌'

3) జనాలోకము:- ఆనంద స్థితి - 'ఆత్మ'

4) మహర్‌లోకము:- వివేకము - 'బుద్ది'

5) స్వర్గ లోకము:- రూపరహితము - 'మనస్సు'

6) భువర్లోకము:- కోరికలు - 'కామము'

7) భూలోకము:- 'అతి స్థూల స్థితి'

256. పంచభూతములు:-

1. ఆకాశము - ఆనందమయ కోశము

2. వాయువు - విజ్ఞానమయ కోశము

3. అగ్ని - మనోమయ కోశము

4. జలము - ప్రాణమయ కోశము

5. భూమి - అన్నమయ కోశము.

257. 7 గ్రహాలతో కూడిన లెక్కలేనన్ని ప్రపంచ గోళాలు విశ్వములో రూపొందినవి.

258. ప్రపంచ నిర్మాణములో క్రింది తలాలలోని 4 లోకాలు స్థూల, కామ, మనో, బుద్ది స్థితులలో వికాసము చెందాయి.

259. పై మూడు స్థాయిలు అనగా ఆత్మ, అనుపాదకత, ఆదిలోకాల వికాసము మనకు తెలియని స్థితిలో ఉంటుంది.

260. 7 గ్రహాములలో మనము నివసించే భూమి అత్యధిక భౌతిక తత్వము కలిగి ఇంద్రియాలకు కనిపించేటట్లు ఉండగా మిగిలిన 6 గ్రహాలు దృగ్గోచరము కాని దూర తలాలలో ఉంటాయి.

261. మనకు 'భూమి' వలె బుదుడు, శుక్రుడు, కుజుడు, గురువు, శని మొదలగు గ్రహాలు కంటికి కనిపిస్తున్నాయి. కారణము ఇవి ఒకే తలములో అనగా ఇదే సూర్య కుటుంబములోని గ్రహాలు. మిగిలినవి ఉచ్చస్థాయిలోని ఇతర గ్రహాలు, మన భౌతిక ఇంద్రియాలకు అందుబాటులో లేవు. కాని వాటి ప్రభావము మనలోని ఏడు స్వభావాలపై ఉంటుంది.

262. ప్రతి గ్రహ కుటుంబములోనూ ఉన్న ఒక గ్రహము దాని కంటే సూక్ష్మ కణాలు గల సహచర గ్రహము, దాని పై లోకాలలో ఉంటుంది.

263. ఈ సహచర గ్రహాలు వేరే చోట్లో స్థలమును ఆక్రమించవు. ఒక గ్రహాము ఆకాశములో ఏ స్థలాన్ని ఆక్రమిస్తుందో అదే స్థలములో తక్కిన సహచర గ్రహములు వాటి స్పందన, అవధిని బట్టి విస్తరించి ఉంటాయి. ప్రతి ఉచ్చ స్థాయిలో ఉన్న గ్రహము క్రింది స్థాయిలోని గ్రహములను తనలో ఇముడ్చుకుంటుంది. ఉదాహరణకు:- సూక్ష్మలోకములోని ఆత్మలు (దయ్యాలు) భూలోకములో స్వేచ్చగా సరచరించగలుగుతాయి. భూమి మీద పదార్థము వాటి చలనానికి అడ్డంకి కాదు. అవి మన ఇంటి గోడలు, తలుపులోంచి కూడా ప్రయాణించగలవు. కారణము పదార్థము పంచభూతాలతో నిర్మించబడగా సూక్షలోక జీవులు (దయ్యాలు) 3 భూతములే కలిగి ఉంటాయి. (అగ్ని, వాయువు, ఆకాశము). అలానే గ్రహాలు ఒకే ప్రదేశములో తమ క్రింది తలాలలో సంచరించగలుగుతాయి. మనం కలలుకనే టపుడు మన శరీరము స్థూల స్థితిలో అచటనే ఉంటుంది. కాని మన సూక్ష్మ శరీరము సూక్ష్మలోకములో విహరించగల్గుతుంది.

264. మన శరీరములో 5 భూతాలు వున్నాయి. భౌతికముగా కనిపిస్తున్న ఈ శరీరములో నీరు, అగ్ని, వాయువు, ఆకాశము కూడా ఉన్నవి కదా! అలానే ఆకాశములో అణువులు, పరిమాణువులు కలాపములు, అష్టకలాపములు, ఆత్మ, పరమాత్మ కూడా ఈ శరీరములోనే ఉన్నవి కదా! అనగా ఈ శరీరము మొత్తములో 26 తత్వాలు ఇమిడి ఉన్నాయి.

265. ఊర్ధ్వలోకాలున్నట్లే, మన శరీరములో అధో లోకాలు కూడా ఉన్నాయి.

ఊర్ధ్వలోకాలు అధో లోకాలు

1. సత్యలోకము పాతాళలోకము

2. తపోలోకము మహాతలము

3. జనలోకము తలాతలము

4. మహర్లోకము రసాతలము

5. సువర్లోకము సుతలము

6. భువర్లోకము వితలము

7. భూలోకము అతలము

266. భూగోళములో గల పాతాళ లోకములో శేషుడు చుట్టలు చుట్టుకొని వ్యాపించి ఉండును. అదే క్షీరసాగరములో నారాయణుడు శేష తల్పముపై యోగ నిద్రలో ఉండి లోకపాలన చేస్తుంటాడు. అలానే ఉప్పు సముద్రము, సురా సముద్రము, నేతి సముద్రము మొదలగునవి. 

267. సాధారణముగా ఒక సూర్య కుటుంబములో 7 గ్రహములు వున్నా, వాటిలో ఒకటి మాత్రమే సక్రియగా ఉండి మిగిలినవి నిద్రాణ స్థితిలో ఉంటాయి. మొదట ఒక గ్రహము జాగృతమైన తన పరిధిలో జీవిత పరిణామానికి తన వంతు పని పూర్తి చేస్తుంది. అది లయమవుతుంది. తరువాత రెండవ గ్రహానికి తన చైతన్యాన్ని అందజేసి అది చైతన్యమగుటకు తోడ్పడుతుంది. అలానే రెండవది తన పని పూర్తిచేసి మూడవ గ్రహానికి ఇలా ఒక్కొక్కపుడు ఒక్కొక్క గ్రహము మాత్రమే చైతన్య వంతమై మిగిలినవి నిద్రాణ స్థితిలో ఉంటాయి.

268. మనం యోగ సాధన చేసేటపుడు మొదట మన భౌతిక శరీరము చైతన్యవంతమై అది మనలోని జలతత్వాన్ని మేల్కొపుతుంది. అపుడు జలతత్వము చైతన్యవంతమై అగ్నితత్వాన్ని అలాగే వాయువు ఆకాశ తత్వాలు ఒకదాని తరువాత ఒకటి చైతన్య మవుతాయి. ఆకాశములోని అణువులు చైతన్యవంతమైన తరువాత అవి పరమాణువులను, క్రమముగా కలాపములు, అష్ట కలాపములను చైతన్యవంతము చేసి చివరికి తమతమ చైతన్యములను బ్రహ్మములో విలీనము చేయును. అదియే మోక్షము.

269. మొదటి మూడు స్థాయిలు ఆత్మ స్థాయి శృంఖలాలలో పూర్తి భౌతిక స్థాయిని సాధించి తదుపరి ఆత్మ స్థాయికి చేరుకుంటుంది

270. ఆత్మ '0' '0'

బుద్ది '1' 7

అరూప '2' '6'

సరూప '3' '5'

కామ '4'

స్థూల శరీరము

271. పైవాటిలో '1', '7' ఆత్మ పదార్థము.

|| '2', '6' బుద్ది పదార్థము.

|| '3', '5' అరూప మనోపదార్థము

|| '4' సరూప పదార్థము

ఈవిధముగా 7 గ్రహాలు ఏర్పడతాయి.

272. ఆత్మ స్థితిలో మొదలై శృంఖలాలు క్రమముగా మార్పు చెందుతూ చివరికి ఆత్మ స్థితిలోకి చేరవలసిందే. అని గ్రహించాలి.

273. ఒకటి నుండి ఐదు తలములలో బుద్ధి, మనస్సు, కామ, స్థూల మొత్తం 49 గ్రహకాలములలో 24 గ్రహములలో మానసిక స్థాయిలో వికాసము క్రమముగా జరుగుతుంది. ఈ మనోమయ తలము రెండు భాగములుగా విభజింపబడింది.

274. 7 గ్రహాల కాలము ఒక పరిభ్రమణము. 49 గ్రహాల కాలము 49 పరిభ్రమణములు.

275. మొదటి మూడు శృంఖలలో ఆత్మ లేక జీవితము పదార్థములోని క్రిందికి దిగుతుంది. ఈ కాలములో పదార్థము మీద తన ఆధిక్యతను చూపిస్తుంది.

276. నాల్గవ శృంఖలలో ఆత్మ - పదార్థము సంతులనము చెంది అనేక రకాలుగా విభిన్న రూపాలు ధరిస్తుంది. ప్రతి మానవ శరీరములో ఇది జరుగుట గమనించాలి.

277. చివరి మూడు శృంఖలాలలో 5, 6, 7 ఆత్మ ఆరోహణ మార్గములో తన ఆధిక్యతను పదార్థము మీద స్థాపించుకుంటుంది.

278. ఇటువంటి 10 పరిణామ క్రమ పధకాలు ఒక సౌరకుటుంబాన్ని నిర్మిస్తాయి.

279. ఒక పరిణామ క్రమములో 49 గ్రహాలు ఉన్న 7 గ్రహాలు మాత్రమే సక్రియగా ఉంటాయి.

280. మన ప్రస్తుత సౌరకుటుంబములో 10 పరిణామ క్రమ పధకాలు వాటికి భౌతిక స్థాయిలో ఉన్న గ్రహాలు.

1. వల్కస్‌ 2. శుక్ర 3. పృధ్వీ 4. గురు 5. శని 6. యురేనస్‌ 7. నెఫ్టూన్‌

మొత్తం సౌరకుటుంబమును తన పరిణామ క్రమములో 70 గ్రహాలతో కలిపి చూస్తే ఒక విచ్చుకున్న పద్మము వలె కనిపిస్తుంది.

281. ప్రకృతిలో నాల్గవ స్థాయిలో నాగరికత, జ్ఞానము అతి ఉచ్ఛస్థితిలో ఉన్నది. మానవ జాతి రెండు విపరీత దిశలలో విభజింపబడింది. 1) సవ్యమార్గము, 2) అపసవ్య మార్గము.

282. అధోస్థితిలో ఉన్న గ్రహాలు ఉచ్ఛస్థితికి, ఉచ్ఛస్థితిలోని గ్రహాలు అధోస్థితికి మారుతూనే ఉన్నాయి.

283. శబ్దము ఆకాశము యొక్క లక్షణము. అది వాయువును సృష్టిస్తుంది. దాని లక్షణము స్పర్శ. అది ఘర్షణ వల్ల కాంతిని, రంగును సృష్టిస్తుంది. అదే అగ్ని. అగ్ని చల్లబడి నీరుగా నీరు ఇంకా చల్లబడి పదార్థముగా, అలా పంచభూతాలు ఏర్పడినాయి.

284. మనము ప్రస్తుతము నాల్గవ స్థితిలో నాల్గవ పరిభ్రమణములో ఉన్నాము. తరువాత ఇంకా మూడు పరిభ్రమణలు సాధించాలి. ఆ స్థితిలో భూత, భవిషత్తు, వర్తమాన కాలాలను తెలుసుకొంటారు. 5వ స్థితిలో అచట గల యోగికి 6,7వ స్థితిల్లోకి చేరగల స్థితి లభిస్తుంది. అప్పటికి ఈ మన్వంతరము పూర్తవుతుంది.

285. ఒకే మహా గురువు యొక్క ఆధ్వర్యములో అనేక మంది గురువులు, శిక్షకులు మానవ జాతికి మార్గదర్శకులయ్యారు. మహాగురువు స్వయముగా పొందవలసినది ఏమీలేదు. అయినప్పటికి తాను ఎన్నుకోబడ్డ కొందరికి సహాయపడుటకు 'మహాయజ్ఞము' ఈ మన్వంతరము వరకు కొనసాగించవలసి ఉంటుంది. మహా గురువుకు ఈ మూడు లోకాలలో చేయవలసింది, తనకు చెందినది, ఆసించునది ఏదీలేదు. అయినప్పటికి తాను ఎల్లప్పడు కర్మ ఆచరిస్తూనే ఉంటాడు.

286. ఈ విశ్వములో మానవ శరీరం కంటే పవిత్రమైన, సాధన పూర్వకమైన స్వరూపము ఇంకొకటి లేదు. దీనిని సద్వినియోగం చేసుకోవాలి.

🌹🌹🌹🌹🌹🌹🌹🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 7

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 7 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ 

🍃. ఆరవ స్థితి 🍃

231. ఆరవ స్థితి ప్రపంచ నిర్మాణము యొక్క తదుపరి స్థాయిలను పరిణామ క్రమములో ప్రపంచం తన నాల్గవ కాలానికి ఎలా వచ్చిందో తెలుపును. మనము ప్రస్తుతమున్న కాలాన్ని ఇది వివరిస్తుంది.

232. కరుణ, జ్ఞానము అనే తల్లి యొక్క శక్తి వల్ల బ్రహ్మ శక్తి ఉద్భవిస్తుంది. అనగా తల్లి, తండ్రి, కూతురు వారి వంశాంకురముల యొక్క శ్వాస, వారి పుత్రులను అనంత లోయలలో నుండి బయటకు పిలిచి, మన ప్రపంచపు భౌతిక స్వరూపాన్ని తయారుచేస్తారు. ప్రపంచపు మాయను, స్వరూపాన్ని, 7 భూతములను తయారు చేస్తారు.

233. వాక్‌ శక్తి పేరుతో వాక్‌ వైఖరీ, మధ్యమ, పశ్యంతి, పరా స్థితిలో ఉంటుంది. ఈ నాలుగు తత్త్వాలు విశ్వములోని నాలుగు తత్త్వాలతో సరిపోతాయి.

234. దృశ్యమాన విశ్వము పరబ్రహ్మము యొక్క వైఖరి వాక్కు. సూక్ష్మ జాగత్తులో ఇది పరబ్రహ్మం యొక్క కాంతిలో ఉంటుంది. ఇది ప్రపంచము యొక్క మధ్యమ వాక్కు, శబ్ధ రూపము. పరబ్రహ్మం పశ్యంతి అయితే పరబ్రహ్మం విశ్వం యొక్క పరిస్థితి. 'Cosmos' అనే పదానికి అర్థం దివ్య చేతనత్వము గల శక్తి అని గుర్తించాలి (అదే విష్ణువు).

235. వేగంగా చలించే కాంతి గలవాడు 7 లయ కేంద్రాలను ఉత్పత్తి చేస్తాడు. 7 లయ కేంద్రాలు, 7 శూన్య బిందువులుగా అనుకోవచ్చు. 'Cosmos' అనేక అర్థాలు వున్న రహస్య వాదుల ప్రకారము జీవితము నియమము అను రెండు కూడా 'Cosmos' యొక్క దిశా నిర్దేశములో ఉంటాయి.

236. మౌలిక విత్తనాలు సృష్ట్యారంభములో లయ స్థితిలో ఉన్నపుడు, తాను గతించిన భౌతిక జగత్తులో ఉన్నపుడు జీవాత్మ యొక్క అనేక జన్మల అతి తీవ్ర విషయములను విమర్శనాత్మక దృష్టితో పరిశీలిస్తుంది. ప్రపంచములో తనకున్న అనేక సంబంధ బాంధవ్యాలను, విశ్వ ప్రణాళికకు ఎలా ఉపయోగించుకోవాలో గమనిస్తుంది.

237. మొదట లయ స్థితి నుండి శక్తి బహిర్గతమైనపుడు అది అరూప స్థితిలో ఉండును. అనగా 'ం' స్థితిలో ఉంటుంది.  తరువాత ఆ అరూప స్థితి రెండుగా విడిపోయి శక్తి బహిర్గతమవుతుంది.

238. అటు తరువాత మూడవ శక్తి '2' నుండి '4' గా విడిపోయి క్రమముగా '8' '16' ఈ విధంగా శివత్వము నుండి శక్తి ప్రవాహము వ్యాపించి క్రమముగా 7 లోకాలలో అక్కడ అవసరమైన మూల కణాలు నిర్మితమవుతాయి. ముడి సరుకు తయారవుతుంది. అపుడు ఆత్మ మరుగున పడుతుంది.

239. ఈ విధముగా భూతములు సృష్టింపబడి వాటికి నాయకుడిగా భూతనాధుడు ఉపాసింపబడతాడు.

240. పై విధముగా నిర్మింపబడిన ముడి పదార్థాలతో రెండవ శక్తి ప్రవాహమైన మనస్సు ఏర్పడి మాయను కలుగజేస్తుంది.

241. విష్ణు తత్వము మూడవ శక్తిగా అన్ని తత్వాలలో నిర్మాణ దేవతలకు తోడ్పడి సృష్టికి దోహదము చేస్తుంది. అపుడే మత్య, కూర్మ, వరాహ అవతారములు, సముద్ర మదనము జరుగుతుంది. తదుపరి శివ శక్తి రూపొంది, ఖనిజములు భూమిగా వ్యక్తమవుతుంది. ఖనిజములు వాటి సంయోగ వియోగము ద్వారా 'క2ం' హైడ్రోజన్‌, ఆక్సిజను సంయోగము ద్వారా నీరు, అలానే ఆ కలయికలు విడిపోవుట ద్వారా వృక్ష జగత్తు రూపొందింది. ఈ వృక్షములలో ప్రాణము

242. వృక్ష జగత్తు నుండి ఇంకొక మెట్టు ఎదిగి జంతు జగత్తు ఏర్పడింది. వృక్షములు స్థావరములు. అనగా ఉన్న చోట నుండి కదలని స్థితి. జంతువులు అలా కాక భౌతిక శరీరము అదుపులోనికి వచ్చి ఎక్కడికి పడితే అక్కడికి వెళ్ళగలిగిన స్థితి. మానసిక అభివృద్ధి కొంచెం కొంచెము నేర్చుకొంటుంది. ఎఱుక స్థితి. అభివృద్ధి పర్చుకొంటుంది.

243. మానవ జగత్తులో అన్నమయ కోశము ఏర్పడి ఉచ్చ స్థితి నుండి నీచ స్థితిలోనికి స్పందనలకు మరియు మనోమయ జగత్తులో కూడా స్పందనలు రూపొంది, ఆ స్థితిలో కారణ శరీరములతో పునర్జన్మము తీసుకోగలిగే స్థాయిలో అహంకారము ఏర్పడుతుంది. క్రమముగా మానవ జన్మలో శక్తి ధార దిగువ స్థాయికి, అచటి నుండి పై స్థాయికి కూడా ఎదగగల బుద్ధితో కూడిన మనస్సు రూపొందింది.

244. కోరికలతో(కామ) కూడిన మానవుడు దిగువ స్థాయిలోను; ఆలోచనలు కోరికలు లేని స్థితిలో బ్రహ్మ, విష్ణు, మహేశ్వర అంశాలతో కూడిన పుత్రుడు దత్తాత్రేయ అవతారము ఈ స్థితి వల్ల ఏర్పడింది. అందుకు ప్రతి రూపముగా 'సాయి' తత్వము ప్రచారములోకి వచ్చింది. శ్రీ శంకరులు, సక్రియ సాధన ద్వారా; శ్రీ అరవిందులు నిష్ట్రియ సాధన ద్వారా, రామకృష్ణ పరమ హంస సకల దేవతా శక్తులను సాధన చేసి అతి సమీపముగా అందుబాటులో ఉన్నత స్థాయికి తీసుకొని వచ్చాడు. 

245. వివేకానంద ఇంకా ఉన్నత స్థాయికి చేరి అద్వైత ప్రతిపాదన చేస్తూ, కర్మ యోగానికి ప్రాధాన్యత నిచ్చి 'మానవ సేవే మాధవ సేవ' అనే మార్గము తెలియజేసాడు.

246. అటు తరువాత స్వామి దయానంద సరస్వతి గాయత్రి తరంగాల ద్వారా అగ్నిని ఉపయోగించి సంపూర్ణ మానసిక స్థలాన్ని మార్చే ప్రయత్నాలు చేసారు.

247. గాయత్రి మంత్రోపాసకులు గాయత్రి ఉపాసన ద్వారా విశ్వ కుండలి జాగృత పర్చి క్రిందికి దింపారు. తదుపరి 'సాయి' పద్దతిలోని 'ధుని', 'భస్మం' కూడా అదే విధముగా అగ్ని స్పర్శ పొందిన పదార్థములు. కనుకనే 'సాయి' విభూది రోగ నివారణకు ఉపయోగపడుతుంది.

248. ఈ విధముగా గురువులందరు వారి వారి స్థాయిలలో, ఆ నాటి దేశ కాల పరిస్థితులకు అనుగుణముగా మిగిలిన వారి ప్రయత్నాలకు తోడ్పడినారు.

249. శిష్యులు వారివారి గురువుల స్వభావమునకు అనుగుణముగా నడుచుకుంటూ, ఏ కార్యాన్ని చేపట్టినా గుడ్డిగా అనుసరించకుండా తమ సాధనలో ధర్మ మార్గాన్ని అనుసరిస్తున్నారో లేదో గమనిస్తుండాలి.

250. నేడు 'human race' అందరి గురువుల పనిని అర్థం చేసుకొని శక్తిని పొంది, గురువుల కార్యక్రమములకు చేయూత నివ్వగలిగే స్థాయికి చేరింది.

251. సృష్టిలో గడ్డిపోచలో జీవిస్తున్న మిణుగురు పురుగైన, సూర్యునికైన పుట్టటము, పెరగటము, గిట్టడము ఒకే నియమము ప్రకారము జరుగుతాయి. పదార్థము శక్తులు మారవు. పరిపూర్ణత వైపుకు సాగే ప్రయత్నము ప్రతి కొత్త అవతారము లోనూ జరుగుతుంది.

252. మహా ప్రళయములో విభజన వున్న ప్రతిదీ గడ్డిపోచ నుండి దేవతల వరకు పూర్తిగా కొట్టుకు పోయారు. ఒకటే మిగిలింది. ఒక రాబోయే స్థితిలో మన పృధ్వి యొక్క పరిణామ క్రమము, మన 'గుప్త విద్యలో ' తెలుపబడుతుంది. ఇది ఆధునికులకు విచిత్రంగా అనిపించినా తెలుసుకొవలసినదే

🌹🌹🌹🌹🌹🌹🌹🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 6

🌹. సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 6 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ 

 🍃. ఐదవ స్థితి 🍃

216. 5వ స్థితి ప్రపంచ నిర్మాణము ముఖ్యముగా సౌర కుటుంబ నిర్మాణమును గూర్చి తెలియజేస్తుంది. మొదట కేవలం మూల పదార్థం  స్పందన రహితముగా, నిష్క్రియగా వుండి తరువాత అగ్ని దుమారం తరువాత సౌర కుటుంబం, ఒక్కొక్క గ్రహము ఇంకా ఇతర నిర్మాణాలు కావింపబడినవి.

217. మానవ స్థాయి కేవలం భౌతిక స్థాయికే పరిమితం కాకుండా, ఏలోకములోనైన ఉంటూ, పదార్థము ఆత్మ మధ్య కావలసిన సంతులత సాధించగల్గాలి. ప్రతి వ్యక్తి దివ్యత్వాన్ని పొందే హక్కు స్వానుభవం ద్వారానే పొందగల్గాలి. దేవతలు, ఋషులు, నిర్మాణ కర్తలు ఏ రూపంలో ఉన్నా ఒకప్పుడు మానవులేనని గుర్తించాలి.

218. దేవ పుత్రులు, వారివారి సంతానములు వివిధ ఊర్ధ్వ లోకములలో సంచరించగలరు. వారి సంకల్పములు వార్తాహరులుగా, అగ్ని సుడిగుండాలుగా ఏర్పడతాయి.

219. జ్ఞాని బుద్ధులు మొత్తం 7 గురు ఉంటారు. వారిలో 5గురు ప్రకటితమయ్యారు. వారు రహస్య జ్ఞానము, ప్రజ్ఞ కలిగి ఉంటారు. మిగిలిన ఇద్దరు బుద్దులు భూమి మరి కొంత వికాసం చెందినపుడు ఆ కాలములో అవతరిస్తారు.

220. ఒకసారి నిద్రిస్తున్న తల్లి, తండ్రి నుండి దివ్య పుత్రులు బయటపడిన వారు ప్రేరణా శక్తులుగా మారి, అనేక స్వరూపాలు పొందుటకు కారణమవుతారు. ఇవన్నీ ఏకమై సమూహ స్వరూపాలు రూపొందుతాయి.

221. విశ్వ స్థాయిలో సౌర కుటుంబము నుండి మిణుగురు పురుగుల వరకు, సృజనాత్మకత నాడులలో భగవంతుని ఇచ్ఛానుసారము ఆధ్యాత్మిక వేత్తలు మార్పు చేస్తుంటారు.

222. విశ్వములో ఉన్న సార్వత్రిక మనస్సు యొక్క ఊహలకు అనుగుణంగా సౌర కుటుంబములో విభిన్న వ్యవస్థల స్థితులు ఏర్పడతాయి.

223. వ్యక్తి సాధనలో ఆధ్యాత్మిక వేత్తలను గుర్తించి, వారి ఆలోచనలపై సాధన చేసి, కల్కి అవతారం ఉద్దేశ్యాలను గమనించి వాటికి తోడ్పడాలి.

224. విష్ణువు యొక్క వామనావతారములో 3 అడుగుల రహస్య కథ, జ్యోతి శ్చాస్త్ర పరంగా ఈ 3 అడుగులు సూర్యుని యొక్క పగలు, మధ్యాహ్నము, సాయంత్రాలుగా గ్రహించాలి.

225. సుడిగుండములు సృష్టిలోని ఒక నియమము. ఇది నక్షత్రములకు గ్రహాలకు, విశ్వాంతారాళములో జరిగే గమనములో గల నియమమును గూర్చి చర్చిస్తాయి.

226. సూర్య, అగ్ని, ఉపాసనములో చాలా గంభీరమైన ఆధ్యాత్మిక సత్యాలు నిండి ఉన్నాయి. భౌతిక పదార్థములన్నింటిలో అగ్నిని విశ్లేషించుట కష్టము. గాలి: ఆక్సిజన్‌, నైట్రోజన్‌ మరియు ఇతర వాయువుల మిశ్రమమని ఖచ్చితంగా చెప్పగలము. భూపదార్థములు కూడా నిశ్చిత రసాయనానికి, నిశ్చిత పదార్థముల సంయోగముగా చెబుతారు. కాని అగ్ని దహన క్రియ వల్ల ఏర్పడినది. ఇది వేడి, కాంతిగతి మరియు రసాయనిక శక్తుల సమ్మేళనము.

227. అగ్ని వల్ల అరూప, రూప ప్రపంచములు ఏర్పడ్డాయి. ఒక జ్యోతిలో ఏడు జ్యోతులు అలా ప్రతిదాని నుండి 7x7 చొప్పున వెలుగులతో ప్రపంచాలు రూపొందాయి.

228. ఉత్తర, దక్షణ, తూర్పు, పడమర దిక్కులను పాలించే దిక్పాలకులకు ఒక్కొక్కరికి ఒక్కొక్క విశిష్టమైన రహస్య లక్షణాలు ఉన్నాయి. వారు కర్మతో కూడా సంబంధము కలిగి ఉంటారు. ఆ నల్గురు మానవ జాతి రక్షకులు. వీరిని గంధర్వ, అసుర, కిన్నెర, నాగులుగా పురాణాలలో పేర్కొన్నారు.

229. నిర్మాణాత్మక కార్యక్రమములు చేపట్టే మూడు ముఖ్యమైన సమూహాలు ఉన్నాయి. ప్రతి సమూహము ఏడు ఉపసమూహములుగా ఏర్పడతాయి.

230. మొదటి సమూహము బ్రహ్మ మానస పుత్రులు. ఆది ఋషి ప్రజాపతులు, వీరు మండలములను నిర్మిస్తూ, పునర్నిస్తూంటారు. రెండవ సమూహము గ్రహ మాలికలను నిర్మించే వారు. మూడవ సమూహము మానవజాతి, ఆదిశక్తులు, తూర్పున ఇంద్రుడు, పడమర వరుణడు, దక్షిణమున యముడు, ఉత్తరమున కుబేరుడు.

🌹🌹🌹🌹🌹🌹🌹🌹

Date: 14/Mar/2019

Nothing is permanent

"Nothing is permanent don't stress yourself too much

No matter how bad the situation is.....it will change . If you have the Spirit  Understanding everything in a Positive way....

You'll Enjoy each & every Moment of Life , whether it's Pressure or Pleasure !! A Beautiful Day is waiting for you . Walk with Aims ,  Run with Confidence . Fly with your Achievement .

So get up , and make this a Lovely Day . No one in this World is Pure and Perfect . If you avoid people for their mistakes , you will be alone in this World . So Judge less and Love more ."

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 5

🌹 సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 5 🌹

✍️. రచన : సద్గురు పేర్నేటి గంగాధర రావు

📚. ప్రసాద్ భరద్వాజ 

🍃 నాల్గవ స్థితి 🍃

192. విశ్వం యొక్క బీజం దైవీ శక్తులుగా విడిపోవటం 'గుప్తవిద్య' ద్వారా తెలుపబడింది. వీరందరూ ఒకే శక్తి యొక్క అభివృద్ధి చెందుతున్న శక్తులు. వీరు ప్రకటింపబడిన విశ్వములకు మార్గములు తెలిపినారు. నిర్మాణ కర్తలు, మార్గదర్శకులు. ప్రకృతి యొక్క పరిమాణ క్రమమును సమన్వయ పరుస్తూ ఒకే నియమాన్ని, ప్రకృతిలోని విభిన్న నియమాలుగా అభివృద్ధి చెందిస్తారు. వీరికి గుప్తవిద్యలో విశిష్ఠ పేర్లు ఇవ్వబడ్డాయి. భారతీయులు వీరినే దేవతలుగా పేర్కొంటారు.

193. మానవులందరు ఈ దేవతల యొక్క శిక్షణకు అనుగుణంగా నడుచుకుంటూ, మొదలు చివర అనేది లేని సృష్టిని, సంఖ్యలేని స్థితి నుండి ఒకే సంఖ్య స్థితికి చేరుటను గమనించాలి.

194. అగ్ని, జ్యోతి, పగలు, శుక్లపక్షము, ఉత్తరాయణము అనే సవ్యమార్గాలలో చనిపోయిన వారు దివ్య లోకాలు చేరి తిరిగి భూమిపై జన్మిస్తారు.

195. కామం, రాత్రి, కృష్ణపక్షం, దక్షణాయనములో చనిపోయిన వారు అధో లోకాలు చేరి తదుపరి భూమిపై స్థావర జంగమాలుగా జన్మిస్తారు.

196. శుక్లపక్షంలో మరణించినవారు, ఊర్ధ్వలోకాలు చేరి తదుపరి జన్మరాహిత్య స్థితికి చేరిన, కృష్ణపక్షము లోని వారు పునర్జన్మ పొందుతారు.

197. గుప్త విద్యలో అగ్నిని 2 రకాలుగా వర్ణిస్తారు. మొదటిది ఆకార రహిత అగ్ని. ఇది ఆధ్యాత్మిక సూర్యునిలో అంతర్గతంగా దాగి ఉంటుంది. రెండవ అగ్ని 7 రకములుగా విశ్వము మరియు సూర్య మండలములలో వ్యాపించివుంది.

198. జ్ఞానాగ్ని వలన ఈ మాయామయ జగత్తులోని కర్మలన్ని దగ్ధమై పోతాయి. అందువల్ల వాటిని పొందిన వారిని 'అగ్నిపునీతులు' అంటారు.

199. దేవతలు, పితరులు, ఋషులు, సురులు, అసురులు, దైత్యులు, ఆదిత్యులు, దానవులు, గంధర్వులు మొదలగు వారు అనేకత్వములతో నిర్మాణ కర్తలుగా ఏర్పడతారు. వీటన్నింటిని ప్రాకృత శక్తులుగా గమనించాలి. మానవులు ఇందులో చేరరు.

200. పవిత్ర జంతువులు, గుప్తవిద్యలు జీవిత పరిణామ క్రమములో ప్రముఖ పాత్ర వహిస్తాయి. సాధారణముగా ఇవి దేవతాశక్తులకు వాహనములుగా లేక ప్రకృతిలోని గుణాలు, ధర్మాలు, సిద్ధాంతములకు గుర్తుగా వ్యవహరిస్తాయి.

ఉదా: కుక్క : కాలము, వేదములు, విశ్వాసము.

నక్క: జిత్తుల మారి తనము.

ఆవు: పవిత్రత

ఎద్దు: ధర్మము

కాకి: పితరులు

ఖగోళ శాస్త్రంలో ఈ పవిత్ర జంతువులు రాశి చక్రము యొక్క సంకేతాలుగా మారుతాయి.

201. ప్రకృతిలోని తెలివిగల శక్తుల వర్ణన మానవ జాతి విభజనకు వీలుగా ఉన్నది.

202. వాక్కు, శబ్దము యొక్క రహస్య స్వభావాలను తెల్పుతుంది. ఇది దైవాలోచన యొక్క పరిణామము. మన ఆలోచనలు, మన వాక్కులు నిత్యం మనం ఉన్న పరిస్థితులను నిర్మిస్తూ ఉంటాయి.

203. ఒక శబ్దం ఉచ్ఛరించినపుడు ఒక ఆలోచన మేల్కొనబడి, వర్తమానంలోకి తీసుకొని రాబడుతుంది. మానవ వాక్కు, ఆకర్షణ శక్తి, రహస్య ప్రపంచంలో జరిగే ప్రతి దానికి మూలము.

204. ఒక నామాన్ని ఉచ్ఛరించుట వలన, ఒక ప్రాణాన్ని నిర్వచించుటయె గాక తద్వారా ఒకటి లేక అనేక రహస్య మయ శక్తులకు లోనుకావటం జరుగుతుంది.

205. ప్రతి వ్యక్తి మాట అతనికి తెలియకుండానే, వరముగానో శాపముగానో పరిణమిస్తుంది. అందువలన ఈనాటి ఆలోచన, మాటల యొక్క శక్తుల అవగాహన లేకపోవుట మనకు చాలా చిక్కులు తెచ్చిపెడుతున్నాయి.

206. మనస్సు, శ్వాస, వాక్కు 7 ఇంద్రియముల సంయోగమే, సప్త విధములైన శబ్ద సైన్యములు.

207. సాధారణముగా వ్యక్తి మనస్సు భోగలాలసతో ఉంటుంది. కాని ఆధ్యాత్మిక మనస్సు లేక సామాజిక మనస్సు ఇంద్రియాలకు అతీతంగా ఉంటుంది.

208. సృష్టి నిర్మాణ క్రమంలో దైవీ శక్తులు ఏర్పడిన తరువాత, అరూప స్థితి నుండి మెల్లమెల్లగా స్వరూప స్థితికి నిర్మాణ కార్యక్రమములు మొదలవుతాయి. 209. ప్రకృతిలో నిరంతరము విశ్వధూళి ఆకాశములో నాలుగు భూతములుగా; భూమి, నీరు, అగ్ని, వాయువులుగా ఏర్పడి చుక్కలు, రేఖలు, త్రిభుజములు, ఘనములు, వృత్తములుగా చివరికి గోళములుగా ఏర్పడి వివిధ ఆకృతులను సమీకరించుకుంటున్నది. దీనికి విరామము లేదు.

210. ప్రకృతిలో అన్ని రకములుగా మార్పు చెందగలిగే రహస్యమయ తత్త్వము ''స్వభావాత్‌'' అని పిలువబడినది. ఈ రహస్య తత్త్వము మారుతూ మారుతూ చివరికి అంతులేని '0' గా ఏర్పడుచున్నది. అదే శూన్యము. సంఖ్యలకు '0' చేర్చినపుడు ఆ సంఖ్య యొక్క విలువ వ్యక్తమవుతుంది.

211. 9 అంకెల తరువాత 10వ అంకెలో '1' ఏకత్వము '0' శూన్యముగా సర్వస్వానికి ప్రతీక అయినది.

212. '10' లో '1' లేకపోయిన శూన్యము.

'10' లో '0' లేకపోయిన ఏకత్వము. అంతా ఒకటే. అదే 'సనాత్‌'.

213. అనంతాకాశమును 'అదితి' లేక చీకటి అని పిలిచారు. ఆ 'అదితి' కి 8 మంది కుమారులు జన్మించారు. అందులోని 7 తో 'అదితి' దేవతల దగ్గరకు వచ్చింది. కాని 8 వది అయిన సూర్యుని వదలివేసింది. ఆ 7గురు పుత్రులను 'ఆదిత్యులు' అంటారు. ఆ 7 మానవులకు నివాస స్థానములయి 7 గ్రహాలుగా పిలువబడుచున్నవి.

214. ఈ 7 గ్రహములు సూర్యుని చుట్టూ తిరుగుతూ ఒక సమతా స్థితిలో ఏర్పడినపుడు జరిగే దివ్య శక్తుల ప్రభావము ఆయా వ్యక్తుల జన్మ స్థితిపై ఉంటుంది.

215. మానసిక ఉచ్ఛ స్థితిలో విశ్వమానవులు కక్ష్యలోవున్న ఆదర్శ ప్రపంచాన్ని ప్రళయ కాలం తరువాత, ఈ గ్రహాలు ఇతర దేవతా శక్తుల సహాయముతో క్రమ పద్ధతిలో క్రింది తలానికి (భూమి) దించటానికి ప్రయత్నిస్తారు.

🌹🌹🌹🌹🌹🌹🌹🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 4

🌹 సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 4 🌹

✍️ సద్గురు పేర్నేటి గంగాధర రావు

📚. ప్రసాద్ భరద్వాజ 

🌹 గుప్తవిద్య (సీక్రెట్‌ డాక్ట్రిన్‌) 🌹

4 వ భాగము

🍃 మూడవ స్థితి 🍃

141. మూడవ స్థితిలో సృష్టి ప్రళయ స్థితిలోంచి మేల్కొనబోతున్న స్థితిని తెలుపుతుంది. ఒక చేతనత్వములో లయమై ఉన్న గ్రహములు చేతనత్వపు వివిధ కేంద్రములు, అతి ఉచ్ఛ తలములలో అనగా ఇంద్రియాతీత స్థాయిలో, ప్రపంచ నిర్మాణం గూర్చి ఇందు తెల్పబడింది.

142. చివరిదైన 7వ అనంతములో చేతన ప్రకంపనలు వ్యాపించి, పద్మము యొక్క మొగ్గవలె తల్లి లోపలి నుండి బయటకు వచ్చినది.

143. అనంతకాల చక్రములో క్రమగతిన ఏర్పడిన ఖండ కాలములను చివరి 7 ప్రకంపనాలు మరల మానవ సృష్టి మేల్కొనుటకు కారణమవుతుంది. 

144. వ్యక్తిగత స్థాయిలో ఈ ప్రకంపనలు శ్వాసను సూచిస్తాయి. నిజానికి శ్వాస వాయువు కాదు. ఆకాశము యొక్క స్పందన వలన ఏర్పడిన ప్రభావము.

145. మరణ సమయమున (నిద్రకు ముందు) దేనిని తలచుకుంటూ శరీరమును వదులునో (మేల్కొనునో) అదే స్వరూపాన్ని పొందును.

146. అంత్య కాలములో ఎవరు ఏ భావములతో హృదయమందు స్పందనలు కలిగి ఉంటాడో, అవే కారణ బీజాలుగా మారి, ఆ భావాన్ని అనుసరించి అట్టి స్థితిని పొందుతారు. మేల్కొన్నపుడు ఆ మార్పును చూడగల్గాలి.

147. నిరంతర ''నామ జపం'' యొక్క స్పందనలు అభ్యసిస్తూ వుండిన ఆ చేతనత్వమే సిద్ధిస్తుంది.

148. సాధకుడు బ్రహ్మాండములో ఏ లోకములోనైనా చేతనత్వముతోనైనా, స్పందనలో (శ్వాస) మార్పు తెచ్చుకొని సంపర్కము సాధించవచ్చు.

149. కాలతత్త్వమంతా సంవత్సరాల (యుగాల) సంఖ్యలలో నిబిడీ కృతమైన శక్తులలో ఉన్నది.

150. శ్వాస యొక్క కాలమును బట్టి జీవ జంతువుల ఆయుః ప్రమాణము (చేతనత్వము) ఎలా మారుతుందో యోగులు క్రియా యోగము ద్వారా తెలియబర్చారు.

151. ఈ శ్వాస ప్రకంపనలు అగ్ని, జల తత్త్వములతో (మనస్సు, ప్రాణము) తన ప్రభావము చూపినపుడు, నిద్రాణమై ఉన్న సంస్కారములు 'ఉబ్బటం' మొదలవుతుంది. ఇదంతా నిద్రాస్థితిలోనే జరుగుచున్నదని మనం గమనించాలి.

152. ఈ శ్వాస స్పందనలు కొనసాగిన కొలది, తన శ్వాస యొక్క తీవ్ర వేగముతో ప్రపంచాన్ని చుట్టుకుంటూ, విత్తనం చీకటిలో నివసిస్తూ, శ్వాస ప్రకంపనలచే ఆవరింపబడి, నిద్రాణమైయున్న ప్రాణ జలముల విత్తనాన్ని ఉబ్బిస్తూ ఉంటాయి.

153. ఈ నిద్రాణమైన ప్రాణ జలములను నారాయణ తత్వముగా గుర్తించాలి. ఇంకను బ్రహ్మ విష్ణు నాభి నుండి ఉత్పత్తి కాలేదు. అందువలన చీకటి అతీంద్రియ స్థాయిలో ప్రాణ జలముల మీద నూతన సృష్టికి, ఆత్మ స్థాయిలో ఉన్న మూల ప్రకృతి మీద స్పందనలు కల్గిస్తుంటాయి. వ్యక్తిగత స్థాయిలో ఈ ప్రాణ జలాలను శ్రద్ధగా ఉపయోగించాలి.

154. చీకటి అనే తల్లి గర్భములో కాంతి తన ఒంటరి కిరణాన్ని దింపినపుడు, ఆ కిరణము చీకటిలోని (తల్లి) అండమును ఛేదించి పులకింపజేస్తుంది. అపుడు శాశ్వత విత్తనము బ్రహ్మాండముగా (ఘనీభవిస్తుంది) రూపొందుతుంది.

155. విష్ణువు నాభి నుండి ఒంటరి కిరణము 'బ్రహ్మ' బహిర్గతము అయింది. అది అండము (చీకటి) లోతులలో పడటం అనగా దివ్య ఆలోచన, లేక బుద్ధి మూల ప్రకృతిని స్పందింపజేస్తుంది.

156. అండము కన్య లక్షణములతో తపించుట చేత లేక వేడి చేయుట చేత అది పొదుగుట మొదలవుతుంది.

157. బ్రహ్మకు ఆ అనంత జలరాశిలో (చీకటి) ఎలా సృష్టి మొదలుపెట్టాలో తెలియక పోవుటచే జలముల (స్పందనల) కదలిక వల్ల శబ్దము వికసించింది. తపతప అని రెండు సార్లు వినిపించింది. ఈ నిరంతర స్పందన వలన వేడి పుట్టి మెల్లగా అందున్న విత్తనము ఆకాశ తత్త్వమగు లోకాలలోకి పయనిస్తుంది. అదే బ్రహ్మాండముగా ఏర్పడుతుంది.

158. గుడ్డు ఏ విధముగా లోపల ఉన్న జీవితము యొక్క స్పందనల వలన పగిలి, అశాశ్వత భౌతిక రూపము వేడి వలన ఏర్పడుతుందో. సృష్టి కూడా అదే పద్ధతిని అనుసరిస్తుంది.

159. గ్రుడ్డు ప్రపంచము యొక్క సంకేతముగా ఏర్పడి శక్తిగా ఉపయోగపడి, అంతము లేని వృత్తముగా అనంతములో గుర్తుగా ఉపయోగపడుతుంది.

160. ఈ గుర్తు పరమాణువు నుండి గ్రహము వరకు, మనిషి నుండి దేవతల వరకు వృత్తాకారముగా ఉంటుంది. దానినే తోకను నోటితో పట్టుకున్న సర్పము యొక్క సంకేతముగా అందరు సూచిస్తారు.

161. బ్రహ్మాండము ఎక్కడెక్కడ ఏర్పడుతుందో అక్కడక్కడ శాశ్వతత్వము, అనంత తత్వము, పునరుజ్జీవింపబడుట, పునర్మించబడుట జరుగుతుంది.

162. స్వీయశక్తితో స్వయం ఉత్పత్తి యొక్క రహస్యం ఏవిధంగా అండములో వేడి మరియు తేమ కనిపించని సృజనాత్మకత శక్తి వల్ల జరుగుతుందో, అదేవిధానం బ్రహ్మాండములో జరుగుతుంది. కనుక అండమును సృష్టికి సంకేతముగా ఉపయోగించుట జరుగుతుంది.

163. హిరణ్య గర్భుడు 7 సహజ భూతముల ద్వారా ఆవరింపబడి ఉంటాడు. అందులో మనస్సు, బుద్ధి, చిత్తము వీటిలో అహంకారము కూడా చేర్చబడింది. ఇవి రహస్యమయ స్థితిలో ఉంటాయి. భౌతిక స్థితిలో పృథ్వి, జలము, అగ్ని, వాయువు ఉంటాయి.

164. అండమును పక్వ స్థితిలోకి తేవాలంటే దానికి తగిన వేడి (ఆలోచన), తేమ(వనరులు, ప్రాణశక్తులు) సమీకరించి దానిని ఉపయోగించి అభివృద్ధి చేసుకొని కార్యసిద్ధి అయ్యేవరకు నిరంతర సంకల్పములతో ప్రేరణ ఇస్తుండాలి.

165. నిద్ర మత్తు వీడక ముందే, ప్రక్కమీద కూర్చొని ముందు తన శరీర ప్రకంపనలు తెల్లని, చల్లని, ధవళ కాంతిలో ప్రతి అణువు స్పందిస్తుందని భావించాలి.

166. మన శరీరము నుండి మూడు అంగుళముల వరకు అన్నమయ కోశము గులాబీ రంగులో వ్యాపించి ఉన్నట్లు గుర్తించాలి; ప్రాణమయ కోశము తదుపరి మూడు అడుగుల వరకు పసుపు రంగులో శరీరము చుట్టూ వ్యాపించి ఉన్నట్లు; శిరస్సు పై మూడు అడుగుల చుట్టూరా పై నుండి క్రింది వరకు మనోమయ కోశము పసుపు రంగులో ఉన్నట్లు; తదుపరి సుమారు 18 అడుగుల వృత్తాకార పరిధి స్థూల, ప్రాణ, మనోమయ కోశము; ధవళ, గులాబి, పసుపు ఆవరణల మీదుగా ఆకుపచ్చ రంగులో విజ్ఞానమయ కోశము ఆవరించి ఉందని భావించాలి. అటు తరువాత సుదూర అనంతము వరకు ఆకాశము తనని ఆవరించి ఉందని అది నీలాకాశము ఒక గ్రుడ్డుగా తనను ఆనందమయకోశం ఆవరించి ఉందని భావించాలి.

167. ఈ విధమైన రంగుల భావన నిరంతరము ఉంచుకుంటూ, వెన్నుపూస మీద గల చక్రములో, మూలధారం వద్ద గంధం (వాసన) స్వాధిష్ఠానము వద్ద రుచి, మణిపూరకము వద్ద 'రూపము', అనాహతము వద్ద స్పర్శ, విశుద్ధము వద్ద శబ్దము, ఆజ్ఞా సహస్రారములలో సంకల్పము యొక్క భావనలు చేసుకోవాలి.

168. ఆయా రంగుల తన్మాత్రల భావనలు కొనసాగగా లోపల 7, బయట 7 గా మారుతుంది. కాంతిమయ మండలము అజ్ఞాచక్రములో గడ్డకట్టి పాలవలె తెల్లని పెరుగుగా వ్యాపిస్తుంది. జీవితపు సముద్ర లోయలలో వేరు పెరుగుతుంది.

169. వ్యక్తి జీవితములో ఆజ్ఞాచక్రము కాంతి వలయముగానూ, ఖగోళములో దీనిని పాలపుంత గాను తెలుపుతారు.

170. గుప్త విద్యలో వ్యక్తి యొక్క ఆజ్ఞాచక్రములోను, ఖగోళము యొక్క పాలపుంతలోను అనంత రహస్యాలు నిబిడీకృతమై ఉన్నాయి. భారతీయ ఋషులు దీనిని క్షీరసాగర మథనముగా వర్ణించారు. అందులోనుండి బయటపడిన రత్నాలు లోపల 7 గాను, బయట 7 గాను వర్ణించబడినాయి.

171. వ్యక్తిగత సాధనలో సముద్రమథనం అనగా సంస్కారాలను మార్చుట. తాను చేయుచున్న సాధనల ద్వారా, విశిష్ఠ ధ్యాన పద్ధతుల ద్వారా అరూప స్థితి నుండి రూప స్థాయికి మార్చే విధానమే ఈ మథనము. పెరుగులో ఘనీభవించిన ఆలోచన స్వరూపములను వివిధ ధ్యాన పద్ధతుల ద్వారా వికసింపచేయాలి.

172. క్షీర సాగరములోని ప్రతి చుక్కలో జీవితపు మూలమున్నది. ఆ సముద్రము అగ్ని మరియు వేడి మరియు చీకటి మయమైన తన ఉనికిని కొల్పోయి తానైన సత్యములో విలీనమవుతుంది.

173. చీకటి నుండి వెలుతురు ఉద్భవిస్తుంది. మెల్లమెల్లగా నూతన సృష్టి కాంతిని సంతరించుకొని నిర్దుష్టమైన ఆకృతిని ఏర్పరుస్తుంది.

174. వ్యక్తిగతంగా ఆ రోజు తీసుకున్న సంకల్పము అగ్ని, దానికి కావలసిన ఆలోచనా సరళి వేడి. ఈ ఆలోచనలే నిత్యాగ్నిహోత్రము. ఈ మూడింటి కలయిక ధ్వని. అనగా సంకల్పము, ఆలోచనలు, కర్మలకు మూలము.

175. మనోమయ భూమికి సంబంధించిన అగ్ని తత్వము నుండి ప్రాణమయ జీవితానికి సంబంధించిన జల తత్త్వపు మూల ప్రకృతి ఏర్పడుతుంది. దానిని సూపర్‌ ఆస్ట్రల్‌ లైట్‌ అంటారు. 176. మహా శక్తి బీజాలైన 'క' వర్ణము పృధ్వితత్వము. 'చ' వర్ణము జలతత్వము. 'త' వర్ణము వాయుతత్వము. 'వ' వర్ణము ఆకాశతత్త్వమని గ్రహించాలి.

177. విత్తనము, చీకటి, కాంతి, ఆత్మ ఇవన్నీ కూడా ఒక్కటే. అందులోంచే మిరుమిట్లుగొలిపే కొడుకు కూడా పుట్టింది. అదే బ్రహ్మం, చీకటి సుడిగుండము కాలహంసము.

178. చీకటి నుండి సరూప స్థితిలో పుత్రునిగా ధవళాకృతిలో జన్మంచినపుడే మొదటిసారి శబ్దోత్పత్తికి తగిన వాతావరణము ఏర్పడుతుంది.

179. సాధకుడు మెల్లమెల్లగా నిద్రాస్థితి నుండి జాగ్రదావస్థ వైపు ప్రయాణిస్తున్నాడు.

180. కాంతి చల్లని జ్వాల. జ్వాలయె అగ్ని. అగ్ని వేడిని ఉత్పత్తి చేస్తుంది. ఆ వేడి జలమును ఇస్తుంది. ఆ జలమే మహామాత యొక్క ప్రాణము.

181. కాంతి, జ్వాల, అగ్ని, వేడి, జలము, ప్రాణము ఇవన్నీ విద్యుత్తుకు సంబంధించిన పదములు. అగ్నికి సృజనాత్మకత, పరిపాలన, నాశక శక్తులున్నాయి. వెలుతురు మన దివ్య పితరుల యొక్క తత్త్వము. జ్యోతి పదార్ధము యొక్క మనస్సు.

182. వ్యక్తిగత సాధనలో వ్యక్తి తన ''బ్రెయిన్‌ వేవ్సు'' యొక్క విద్యుత్‌ స్వభావము అధ్యయనం చేయాలి.

183. చల్లదనము వేడి అనేవి సాపేక్ష పదాలు. మంత్రాన్ని మననం చేయుట ద్వారా విద్యుత్‌ ఉత్పత్తికి కారణమవుతాయి. మస్తిష్కం ద్వారా మనం పొందే స్పందనలు ఆజ్ఞలు విద్యుత్‌ పరమైనవే అని గ్రహించాలి. 184. జలము అనేది ఒక పదార్థమునకు లావణ్యం ఇచ్చుటయె కాక, జలమే శాపాలు, వరదానాలు, దక్షిణలు, దానాలు ఇవ్వాలన్నా ముఖ్యమైన అవసరము.

185. ఆధ్యాత్మిక సాధనలో ఉచ్ఛ స్థితికి చేరుకోవాలంటే ప్రాయశ్చిత్తం ముఖ్యమైన సాధన అని కర్మ సిద్ధాంతము వలన అవగాహనం అవుతుంది.

186. ఆత్మ పదార్థములకు తల్లి, తండ్రి సంబంధమును కలుగజేసి, చీకటిని, కాంతిని ఏకం చేయడమైంది. ఈ విధముగా పునర్జన్మలు ఏర్పడతాయి.

187. విద్యుత్‌ శక్తికి లంబ దిశలో అయిస్కాంత శక్తి పనిచేస్తుంది. ఉత్తర దిశ నుండి బ్రహ్మాండీయ శక్తులు ప్రవేశించి దక్షణ ధృవము నుండి బయటకు వెళిపోతాయి. ఈ మధ్య కాలంలో పృథ్వి తనకు కావలసిన వనరులను సమీకరించుకుంటుంది. ఈ విధంగా విద్యుత్‌ శక్తిని 'రామ్‌' అని, అయస్కాంత శక్తిని 'కృష్ణ' చైతన్యముగా చెప్పవచ్చు.

188. ఇడ, పింగళ నాడులు:- ఇడ భూమి, తల్లి. పింగళ పురుషుడు, అగ్ని. పింగళ శ్వాస, అగ్ని ఇడ శ్వాస భూమిపై పడినపుడు ప

దార్థము వేడెక్కి వ్యాకోచము చెందుతుంది. తల్లి శ్వాస 'ఇళ' సంకోచము చెందుతుంది. ఈ శ్వాస కోశ వ్యాకోచ సంకోచాల ఫలితముగా శ్వాస వాయువు ద్వారా పుత్రులు జన్మింస్తారు. అనగా క్రొత్త జన్మ జరుగుతుంది.

189. శ్వాస మానసిక స్థితిని నియంత్రణ చేయును. వ్యక్తిగత సాధనలో అనులోమ విలోమ ప్రాణాయామములో సృష్టి జరుగుతుంది.

190. పింగళ నాడి ద్వారా ఉష్ణము మనోమయ కోశపు అణువుల స్వరూపాన్ని వ్యాకోచింపజేసి, ఇడనాడి ద్వారా సంకోచింపజేసి, అవసరమైన రూపాన్ని సిద్ధపురుషులు రూపొందిస్తుంటారు. 191. సృష్టి బీజరూపంలో ఉన్న, కాలము తనలోని విశ్వ ప్రాణ శక్తి ద్వారా బీజములను పక్వపరచి సరూప స్థాయికి దింపుతుంది. ఈవిధముగా పై స్థాయి ప్రతిబింబాలుగా ప్రపంచాలు కాలపరిధిలో వాటివాటి వంతు వచ్చినపుడు ఏర్పడతాయి.

🌹🌹🌹🌹🌹🌹🌹🌹

సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 3

🌹 సర్వయోగ సమన్వయము - గుప్తవిద్య (సీక్రెట్‌ డాక్ట్రిన్‌) - 3 🌹
🌹 గుప్తవిద్య (సీక్రెట్‌ డాక్ట్రిన్‌) 🌹
3 వ భాగము
✍️ సద్గురు పేర్నేటి గంగాధర రావు
📚. ప్రసాద్ భరద్వాజ

🍃 3. రెండవ స్థితి 🍃

123. రెండవ స్థితిలో, జాగ్రత్తగా గమనించక పోయిన, మొదటి స్థితిలో చెప్పిన విషయాలే రెండవ స్థితిలో చెప్పినట్లు అనిపిస్తుంది. కాని ఈ రెంటికి తేడా తెలుసుకోవడానికి చాలా సాధన అవసరమవుతుంది. అందువలన ఈ తేడాను గమనించే బాధ్యత చదివేవారి యొక్క బుద్ధి, ఇంద్రియములకు మాత్రమే వదలివేయబడినది. ఇచట భౌతిక స్థితిని గాక ఆధ్యాత్మిక స్థితిని ఉపయోగించాలి.

124. మొదటి స్థితిలో సుషుప్తి (లయ) స్థితిని తెలుపుతుంది. రెండవ స్థితిలో ఆత్మ పరిధి చేరుకున్న తరువాత జరిగే మార్పులను వివరిస్తుంది.

125. సుషుప్తి యొక్క లయ స్థితిలో సృష్టి నిర్మాణ కర్తలు, అరూప స్థితిలోనూ ఆనందములో విశ్రాంతి తీసుకుంటున్నారు.

126. ఈ సృష్టి నిర్మాణ కర్తలు వ్యక్తిగత ఒక రోజు ప్రళయము (సుషుప్తి) నుండి కల్పాంతములో మహాప్రళయము వరకు ఒకే అర్థములో తీసుకొనవచ్చు. వీరు ఏడు గ్రహాలకు నిర్మాణకర్తలుగా గ్రహించవచ్చు.

127. ఎఱుక లేని లయ స్థితి ఆనందాన్ని ఇవ్వదు. కేవలము లయ స్థితినే తెలుపుతుంది. ఆధ్యాత్మిక లయ స్థితిలో వ్యక్తిగత విషయములను వదలి అనేక జన్మల, సామూహిక జన్మల సంస్కారముల యొక్క అనుభూతుల యొక్క పారమార్థిక అనుభూతికి చేరుతుంది.

128. ఆధ్యాత్మిక అనుభూతి స్థితిలో చెవులు లేవు శబ్దము లేదు, నిశ్శబ్దము లేదు. అచట నిరంతర శాశ్వత శ్వాస తప్ప ఏమియూ లేదు. అది తనను తాను తెలుసుకోలేదు.

129. లయ స్థితిలో భౌతిక ఉనికిని కోల్పోయినప్పటికీ వస్తువులు తమ అస్తిత్వమును కోల్పోవు అనేది భారతీయ మనో శాస్త్రానికి పునాది. లయ స్థితిలో ఉనికిని కోల్పోయినను, జాగృతిలోనూ మహా ప్రళయానంతర సృష్టిలోనూ అవి ప్రకటితమవుతాయి.

130. శ్వాస, సంస్కారాలను నిర్మించటానికి చాలా ప్రముఖ పాత్ర వహిస్తుంది. గాఢ నిద్రలో కూడా శ్వాస నిరంతరము శ్రమిస్తూ తనపని తాను చేసుకుంటూ పోతుంది. వ్యక్తిగత సాధనలో ఈ స్థితిలో జరిగే మనోమయ కోశ మార్పులు, శ్వాసలోని మార్పులుగా గుర్తించాలి.

131. లయము చెందిన విత్తనములన్ని కూడా ఒకప్పుడు నిద్రాణమయి ఉన్న గ్రహ గోళములు. కాలము ఆసన్నమైనపుడు అవి తమతమ లక్షణాలన్నింటిని వ్యక్తపరచుకొనుటకు విత్తన రూపములోనే నిగూఢముగా ఉన్నవి.

132. వ్యక్తిగత జీవనములో, ఆ ముందు రోజు జరిగిన సంఘటనల స్వరూప స్వభావములను, నిద్రా స్థితిలో దైవ శక్తులకు అందజేసిన తరువాత, అదే దైవ శక్తులు రెండవ రోజు రూపుదాల్చబోయే సంఘటనలకు ఈ ముడి సరుకు ఉపయోగించి కావలసిన తగిన స్వరూపాన్ని ఇస్తున్నప్పటికి, ఆ పరిణామము అందరు గుర్తించ లేక పోతున్నారు. అందువలననే సమస్యలకు పరిష్కారములు లభించనపుడు కొంచం సేపు విశ్రాంతి (నిద్రా స్థితి) తీసుకోవాలని అనుకుంటారు.

133. వ్యక్తిగత సాధనలో లయ స్థితిలో ఉన్న సృష్టి మెల్లగా నూతన సృష్టి కార్యక్రమానికి సంసిద్ధత తెలుపుతుంది. ముందు జరగబోయే సంఘటనలు నిద్రా స్థితిలో ఆభాసగా కనిపిస్తాయి.

 

134. నిద్రా స్థితిలోనే తనకు అవసరమైన కామ, మనోమయ భావనలతో బాహ్య ప్రపంచములోని వాతావరణము మార్చటానికి కావలసిన పరిస్థితులు నిర్మించుకోవటానికి ఉపయోగించాలి.

135. లయ స్థితిలో, బీజ రూపంలో, కారణరూపంలోని దాని ఉనికి ఉంది. ఆ కిరణం బహిర్గతమైనపుడు తల్లి, తండ్రి, కొడుకు లేక జీవితము - మనస్సు, శరీరము, బుద్ధి, కామ, స్థూల శరీరములుగా మారుతుంది. ఆ విధముగా మాయ యొక్క బడిలో తమ పరిణామ క్రమాన్ని కొనసాగిస్తాయి.

136. గాఢ నిద్రలోని అతి ప్రగాఢ స్థితి, వ్యక్తిగతంగా సుషుప్తిలోని ఈ స్థాయిలో భవిష్యత్తు దర్శనం అనగా జీర్ణించుకున్న సంస్కారాన్ని, నూతన ప్రక్రియ క్రమానికి కావలసిన అగ్ని, జలము పొంది క్రొత్త బీజాలుగా రూపొందబోతున్నాయి. మార్పులు, చేర్పులు ఇక్కడే జరగాలి. ఆ స్థితిలో ఆ సంఘటన జరిగితీరవలసిందే దానిని ఎవరూ ఆపలేరు.

137. సృష్టి కర్త అయిన బ్రహ్మము నుండి వెలువడిన మొదటి సంతానం, సంతానోత్పత్తికి నిరాకరించింది. అది ఏవిధమైన కోరికలు లేని స్థితిలో ఉన్నది. అపుడు బ్రహ్మ తన మనస్సు నుండి సప్త ప్రజా పతులను ఉత్పన్నం చేస్తాడు. వారు మరీచి, అత్రి, అంగీరస, పోలస్త్య, పులహ, క్రతు, వసిష్ట అనువారలు. వారి భార్యల పేర్లు. అంబా, మాలా, నిలాన్ని, అభ్రయంతి, మాఘయంతి, వర్షయంతి, చుపునిక.

138. వ్యక్తిగత సాధనలో చీకటి సహాస్రారముగా, తల్లి ఆజ్ఞాచక్రముగా, సప్త ప్రజాపతులు శిరస్సులోని ఏడు శక్తి కేంద్రాలుగా అనగా పంచేంద్రియాలు, మనస్సు, బుద్ధిగాను; ఇవి మధ్య బిందువును దాటి మెల్లమెల్లగా స్పందించటం మొదలుపెడతాయి. వ్యక్తి సుషుప్తి నుండి స్వప్న జాగ్రత్‌ స్థితులకు రావటం మొదలవుతుంది.

 

139. ఆత్మ అనుత్పాదక స్థితి నుండి అనగా సత్‌, చిత్‌, ఆనంద స్థాయి నుండి, చేతనత్వము అనగా ఉత్పాదక స్థాయికి దిగుచున్నది.

140. నిద్రా స్థితిని మూడు స్థాయిలుగా వివరించినపుడు, అన్నింటి కంటే పై పొర సత్‌, ఇంకాస్త లోపలికి వెళ్ళిన (ఎఱుక) చిత్‌, చివరి స్థితి ఆనందము. చిదానందములు ఇంకా సత్‌ అనగా ఉనికి స్థాయికి తయారుగా లేదు అని తెలుస్తుంది.

🌹🌹🌹🌹🌹🌹🌹🌹